QUEZON -Timbog ang dalawang tulak ng ilegal na droga sa magkahiwalay na buy-bust operation ng mga awtoridad sa Lucena City at sa bayan ng Lopez sa lalawigang ito, noong Martes .

Nakumpiska sa mga suspek ang P930,000 halaga ng ilegal na droga.

Ayon sa report ng Quezon Police Provincial Office, unang naaresto ang high value individual na si alyas “Owel/Datu”, 43, sa buy-bust operation sa Purok Central Ilaya, Brgy. Kanlurang Mayao, Lucena City dakong alas-4:50 ng hapon.

Nakumpiska dito ang apat sachet ng hinihinalang illegal drugs na may timbang na 20.60 grams at may DDB value na P142,140 at may street value na P420,240.

Sa bayan ng Lopez, Quezon, natimbog naman ang street level individual na si alyas “Dorot”, 61, sa anti-illegal drug operation sa Barangay Danlagan, dakong alas-5:25 ng hapon.

Nasamsam naman dito ang 5 sachet ng illegal drugs na may timbang na 5 gramo at tinatayang P510,000 ang street value.

(NILOU DEL CARMEN)