TINATAYANG sampung gramo ng shabu ang nasamsam sa limang hinihinalang tulak kabilang ang tatlong babae na nasa listahan ng Street Level Individual (SLI) sa buy-bust operation sa Bacoor City, Cavite, Lunes ng gabi.

Nasa kustodiya na ng Bacoor CPS ang mga naaresto na sina Jasmine Gardon, alias Nene; Janet Gardon; Ferdinand Bautista; Patricia Reyes at John Luis Torre, pawang residente ng Bgry. Zapote 1, Bacoor City.

Alas-11:30 kamakalawa ng gabi nang masakote ang mga nabanggit sa Anti-Illegal Drugs operation ng mga operatiba ng Drug Enforcement Unit (DEU) ng Bacoor CPS.
Narekober sa kanila ang sampung gramo ng shabu na may street value na P70,000, buy-bust money, coin pouch at dalawang mobile phones. (SIGFRED ADSUARA)