NAGPALABAS ng babala si Bureau of Immigration (BI) Commissioner Norman Tansingco sa publiko hinggil sa bagong scammers na nag-aalok ng immigration services sa social media.
Ang babala ay inilabas matapos na si Movement for Restoration of Peace and Order (MRPO) Chairperson Ka Kuen Chua ay magpatotoo sa pagdinig ng Senate Public Order and Dangerous Drugs Committee, na may mga nag-aalok sa social media na naniningil ng P1 million hanggang P5 million para mawala ang immigration blacklists.
“We have observed that this scam proliferates not only on Facebook, but also in other messaging platforms such as WeChat,” ani Tansingco.
“There are even some accounts that pretend to be immigration lawyers and legal officers. They create profiles using photos of our employees, their badges, or even the logo of the Bureau,” pagbabahagi pa niya.
Kapareho nito, ay naglabas na rin ng babala ang BI noong Setyembre ng nakaraang taon matapos na may mga ulat ng fake employees na nag-aalok ng illegal services gamit ang social media. (JOEL O. AMONGO)
283
