CEBU CITY – Timbog ang isang menor de edad matapos tangkain nitong magpuslit ng ilegal na droga sa kulungan sa pamamagitan ng pagsingit nito sa karne ng lechon na ibibigay sa kanyang kaibigan sa Cebu City Jail – Male Dormitory noong Miyerkoles.

Ayon sa jail officer, ang 17-anyos na suspek ay nagpaalam para magbigay ng pagkain sa kanyang nakakulong na kaibigang lalaki.

Dahil araw naman ng dalaw, pinayagan ito ng mga guwardya ngunit nang i-check at hiwain ang dala nitong lechon na nakalagay sa isang disposable plastic container, tinamaan ng kutsilyo ang mga sachet ng droga na isiningit sa laman ng karne.

Dahil menor de edad ang suspek, itinurn-over ito sa lokal na tanggapan ng Department of Social Welfare and Development.

(NILOU DEL CARMEN)