BATANGAS – Natimbog ng mga tauhan ng CIDG Batangas Provincial Field Unit (PFU) ang isang lalaking nagbebenta umano ng baril, sa entrapment operation sa Brgy. Poblacion, sa bayan ng San Juan, sa lalawigang ito, noong Miyerkoles.

Kinilala ang biktimang si Pableo Macaraig, ng nabanggit na lugar.

Ayon sa report ng Batangas PNP, isinagawa ang entrapment operation dakong alas-11:00 ng umaga nang dumating ang suspek sakay ng isang kotse upang mag-deliver ng baril sa isang operatiba na umaktong poseur buyer.

Matapos ang transaksyon, dinakma ng mga awtoridad ang suspek na nakumpiskahan ng isang .45 kalibreng baril at isang 9mm, kasama ang mga magazine at mga bala.

Nasa kustodiya na ng CIDG Batangas PFU Office ang suspek na sasampahan ng mga kasong paglabag sa RA 10591 at Comelec Resolution No. 10918 o Rules and Regulations on the Ban on the Bearing, Carrying or Transporting of Firearms or other Deadly Weapons during the Election Period.

(NILOU DEL CARMEN)