CAVITE – Tinatayang mahigit sa P1 milyong halaga ng umano’y shabu ang nasamsam mula sa isang hinihinalang tulak ng ilegal na droga at nasa listahan ng high value individuals (HVIs), sa isinagawang buy-bust operation sa parking lot ng isang mall sa Dasmariñas City noong Miyerkoles ng madaling araw.

Kinilala ang arestadong suspek na si alyas “Jerwin”, nasa listahan ng HVIs ng pulisya.

Ayon sa ulat, dakong alas-8:25 ng gabi, nagsagawa ng buy-bust operation ang mga awtoridad sa parking lot ng isang mall sa Brgy. Zone 4, Dasmariñas City, na nagresulta sa pagkakaaresto sa suspek.

Nakumpiska sa suspek ang tinatayang 150 gramo ng hinihinalang shabu na may street value na P1,035,000, cell phone, bust-bust money at black and white na sling bag.

(SIGFRED ADSUARA)