NAGWAKAS ang pagtatago sa batas ng isang lalaki na nakatala bilang top 8 most wanted person sa Central Luzon, matapos malambat ng pulisya sa isinagawang manhunt operation sa Valenzuela City.
Kinilala ni P/Cpt. Ronald Sanchez, hepe ng Valenzuela City Police Station Intelligence Section (SIS), ang naarestong akusado na si Celestino Collantes Jr., 51, residente ng Barangay Gen. T. De Leon.
Ayon kay Valenzuela police chief, P/Col. Salvador Destura Jr., si Collantes ay dinakip ng mga operatiba ng SIS sa CJ Santos St., Barangay Malinta, Valenzuela City, sa bisa ng iba’t ibang arrest warrants na inisyu ng Regional Trial Court (RTC) ng Cabanatuan City, Nueva Ecija.
Ani P/Capt. Sanchez, bukod sa sa pagiging top 8 most wanted person sa regional level, kinilala rin si Collantes bilang number 3 most wanted person ng Cabanatuan City Police Station.
Ang inisyung arrest warrants laban sa akusado ay para sa illegal recruitment involving economic sabotage (syndicated and large scale), at estafa na walang bail bond na inirekomenda.
Ayon kay Col. Destura, si Collantes ay nahaharap sa kasong 31 counts ng estafa at 3 counts ng illegal recruitment involving economic sabotage (syndicated and large scale). (FRANCIS SORIANO)
43 
