CAVITE – Arestado ang isang salesman makaraang waldasin ang mahigit P74,000 na kita ng kumpanya sa online casino, sa Gen. Trias City noong Martes ng hapon.

Nahaharap sa kasong qualified theft ang suspek na si alyas “Jaypee”, salesman ng MTW Battery Trading at residente ng Brgy. san Francisco Gen. Trias City, dahil sa reklamo ng negosyanteng si Mary Ann Barallas Sneng.

Ayon sa ulat, dakong alas-5:00 ng hapon nang ipaaresto ng biktima ang salesman nang matuklasan nitong kinupit ng suspek ang halagang P74,260,00 na kita ng kumpanya.

(SIGFRED ADSUARA)