CAVITE – Kritikal ang kalagayan sa pagamutan ng isang 57-anyos na technician makaraang mabangga ng isang Toyota Wigo at tumilapon sa kalsada sa Bacoor City noong Miyerkoles ng hapon.

Naka-confine sa Perpetual Help Medical Center ang biktimang si alyas “Edgar” ng Mambog III, Bacoor City matapos banggain ng isang Toyota Wigo na minamaneho ni alyas ‘Maria’, isang negosyante, ng nasabi ring lungsod.

Ayon sa ulat, minamaneho ng biktima ang kanyang motorsiklo na na may plakang 136610, at binabagtas ang kahabaan ng Molino-Boulevard patungo sa direksyon ng Talaba, habang minamaneho naman ng suspek ang kanyang Toyota Wigo na may plakang NHI 8506, at binabagtas ang opposite direction.

Pagsapit ng kotse sa harapan ng Westville Subdivision sa Brgy. Ligas III, Bacoor City, papaliko sana ito patungo sa Westville subdivision, nang mabangga ang motosiklo ng biktima dakong ala-una ng hapon.

Bunsod nito, tumilapon ang biktima mula sa kanyang motorsiklo na nagresulta sa matinding pinsala sa katawan nito.

(SIGFRED ADSUARA)