WALANG inirekomendang pyansa para sa 43-anyos na lalaki na inakusahan ng panggagahasa, makaraang madakip sa bisa ng warrant of arrest sa kanilang bahay sa Cristobal Street, Sampaloc, Manila noong Martes ng gabi.

Kinilala ang suspek na si Christopher Balais, 43, alyas “Bochoy”, sinasabing top 1 most wanted person.

Ayon sa ulat ni Police Lt. Col. Wilson Villaruel, commander ng Manila Police District – Sampaloc Police Station 4, inaresto ng mga awtoridad ang suspek sa pangunguna nina Police Executive Master Sergeant Luis Coderas ng Intelligence and Warrant Section, sa bisa ng warrant of arrest na inisyu ni Presiding Judge Delight Aissa A. Salvador, ng Regional Trial Court Branch 29, sa kasong rape.

Ayon kay Villaruel, inaresto ang suspek alinsunod sa pinaiiral na Oplan Galugad at Simultaneous Anti-Criminality Law Enforcement Operation (SACLEO), sa kautusan ni MPD Director P/BGen. Andre Perez. (RENE CRISOSTOMO)