CAVITE – Swak sa kulungan ang isang hinihinalang tulak at nasa listahan ng Street Level Individuals (SLIs) ng pulisya, matapos maaresto sa buy-bust operation at nakumpiskahan ng P172,000 halaga ng umano’y shabu sa Dasmariñas City, nitong Martes ng madaling araw.

Kinilala ang naarestong suspek na si alyas “Dodong” ng Brgy. Tabing Dagat, Bacoor City.

Ayon sa ulat, dakong alas-12:17 ng madaling araw nang magsagawa ng buy-bust operation ang Station Drug Enforcement Unit (SDEU) ng Bacoor City Component Police Station, sa Brgy. Tabing Dagat, Bacoor City na nagresulta sa pagkakaaresto sa suspek.

Nakumpiska sa suspek ang 25 gramo ng hinihinalang shabu na may street value na P172,500, buy-bust money, cellular phone at isang itim na pouch.

(SIGFRED ADSUARA)