INAASAHANG tatalakayin ng tatlong incoming cabinet members ng Marcos administration ang kahalagahan ng media sa kani-kanilang tungkulin sa pagdalo sa Local Press Assembly.

Sina incoming executive secretary designate Vic Rodriguez; press secretary-designate Trixie Cruz-Angeles; at Susan ‘Toots’ Ople, secretary-designate ng Department of Migrant Workers (DMW) ay imbitado sa nationwide Local Press Assembly 2022 sa June 24.

Isasagawa ito sa PEZA Auditorium, Double Dragon Bldg. sa Macapagal Avenue, Pasay City.

Bukod sa kanila, imbitado rin sa isang araw na media assembly sina Director General Charito “Ching” Plaza ng Philippine Economic Zone Authority (PEZA); at Dr. Cesar Chavez, vice-president ng Manila Broadcasting Company (MBC).

Inaasahang ipagmamalaki ni Director-General Plaza ang kanyang tagumpay sa pamumuno sa PEZA.

Ilalatag naman ng veteran broadcast journalist na si Dr. Chavez ang papel ng local media practitioners at ilalarawan ang critical role ng mga mamamahayag bilang social catalyst.
Ang asembliya ay pangungunahan ni Veteran journalist Johnny Dayang.

Co-convenor naman sina Nelson Santos, pangulo ng Publishers Association of the Philippines, Inc. (PAPI); Rey Langit, chairman ng Boracay Global Press Corps, Inc. (BGPCI); Roy Mabasa, dating pangulo ng National Press Club (NPC); Roy Bato, regional chairman ng Kapisanan ng mga Brodkaster sa Pilipinas (KBP); Allan Sison, pangulo ng Federation of Provincial Press Clubs, (FPPCP); Antonio Figueroa, founding consultant ng Institute of Davao Studies (IDS) at columnist of Edge Davao at former Mindanao bureau chief ng Philippine Graphic; Joseph Punay, FPPCP vice president; Jonathan Cabrera, CEO Todo Media; at Johnny Nuñez, practicing journalist.

Matatagpuan naman ang media assembly secretariat sa Unit 708, Cityland 8, Gil Puyat Ave., Makati City na pinangungunahan ni Noel Cabobos, isang event organizer, investigative journalist at social activist. (DANG SAMSON-GARCIA)