PBBM PUMIYOK: INFLATION ‘DI KAYANG KONTROLIN

AMINADO si Pangulong Ferdinand Marcos Jr. na ang inflation ay “running rampant and out of control.”

Gayunman, batid na aniya ng Philippine government ang “main drivers” ng inflation kasunod ng pagsirit sa 8.0% nitong Nobyembre.

“We just received the poor news from the Philippine Statistics that November we hit 8%. And we are now trying to identify the areas of the economy that are – that are the main drivers of that inflation. The main drivers of that inflation, unfortunately, are still imported – is still imported inflation,” ayon kay Pangulong Marcos sa kanyang talumpati sa 11th Arangkada Philippines Forum 2022.

“So again, import substitution is still a good idea not only for foreign exchange reserve but also so that we can keep our inflation rate down,” dagdag na wika ng Pangulo.

Nauna rito, inihayag ng Philippine Statistics Authority, tumaas ang inflation ng 8.0% nitong nakalipas na Nobyembre, itinuturing na “fastest” simula November 2009 na nagtala ng 9.1% at nalampasan ang 14-year high na 7.7% na naitala noong Oktubre.

Positibo pa rin si Pangulong Marcos na ang bansa ay nananatiling matatag at nasa tamang direksyon.

“Unfortunately, although our growth rate looks healthy, our foreign exchange has become – our peso has become a little stronger relative to the other currencies, our unemployment rate is quite reasonable considering the situation,” lahad nito.

Aniya, layunin ng kanyang administrasyon na i-transform ang Philippine economy upang samantalahin ang “new realities” na present sa new normal.

“So to achieve this goal, we require investments that will increase our adoption of electric vehicles [and] build supporting infrastructure; to encourage the growth of sustainable manufacturing and construction; [and] promote green businesses and enterprises in tourism and other sectors,” ayon sa Pangulo.

Hinikayat din ng Punong Ehekutibo ang local at foreign business leaders na mamuhunan sa ‘key areas’ gaya ng “education and skills training; digitization of processes; and research and development” para matulungan ang pamahalaan sa pagsisikap nito na “i-transform” ang ekonomiya ng Pilipinas.

“I do not talk about recovery because I do not want to recover the Philippine economy to what it was in 2019. That is not going to work anymore. Whatever economy is going to be formed in the next few months, the next few years, it will be very different from what we were doing,” aniya pa rin.

Nangako naman ang Pangulo na palalakasin ang economic growth, na mayroong overall goals ng poverty reduction at reinvigorating job creation.

Binati rin nito ang Joint Foreign Chambers (JFC) of the Philippines para sa tagumpay sa pagsasagawa ng Arangkada Forum.

Inilunsad noong 2010, ang Arangkada Philippines ay major advocacy ng JFC para palakihin ang investment at employment sa Pilipinas.

Ang forum ay taunang event kung saan nagsasama-sama ang mga business leader at public officials upang ibahagi ang kanilang mga ideya para sa pagpapahusay sa business at investment climate ng bansa.

Ang tema para sa pagtitipon ngayong taon ay “Reform, Rebuild, Recover” na naglalayong bigyang linaw kung paano ang policy reforms ay maiaangat at mapapanatili ang economic recovery. (CHRISTIAN DALE)

156

Related posts

Leave a Comment