UMABOT sa P1.161 bilyong halaga ng illegal drugs ang nasabat ng Bureau of Customs (BOC) sa kanilang isinagawang operasyon laban sa pagpasok ng ipinagbabawal na kalakal sa bansa.
Ayon sa report ng BOC, mula Enero hanggang Agosto 2023 ay nakapagtala sila ng P1.161 bilyong halaga ng nasabat na ilegal na droga.
Ito ay resulta ng kanilang tagumpay dahil sa 107 active X-ray machines na estratehikong ipinakalat sa maraming port, sub-ports at airports sa buong bansa.
Ang paggamit ng mga makinang ito ay may mahalagang papel sa pagkilala ng itinatagong mga kontrabando sa mga shipment na hindi nangangailangan ng ‘invasive’ na paghahanap, pinadadali ang parehong mahusay na kalakalan, mga proseso at matatag na mga hakbang para sa seguridad.
Sa nakalipas na dalawang linggo, ang XIP ay matagumpay na nakatuklas ng P18.5 milyong halaga ng illegal drugs at nakasabat ng misdeclared goods sa iba’t ibang pwerto.
Gayundin, ang unit ay tagapagtaguyod ng real-time na pakikipagpalitan ng impormasyon sa lahat ng ports para hadlangan ang tangkang smuggling, nag-aalok ng buong suporta para sa “Remote Image Analysis Center (RIAC) Project,” isang mahalagang hakbang sa paggawa ng makabago at pinatinding kahusayan ng Bureau of Customs’ border protection.
Bukod dito, ang XIP ay may mahusay na estratehiya para sa pagpapatibay ng border control at pagpapahusay ng national security, at nakikinabang sa technology and automation, at functions ng XIP offices na nararapat na palalakasin.
Ang Bureau of Customs ay patuloy sa walang patid na pagsisikap na mapahusay ang X-ray Inspection Project, sa ilalim ng pamumuno ni Collector Carmelita Talusan at sa matatag na suporta at patnubay ni Commissioner Rubio at Deputy Commissioner Uy, nakatayo bilang isang testamento sa pangako ng organisasyon sa inobasyon, pagbabantay at pinakamataas na pamantayan ng serbisyo.
(BOY ANACTA)
311
