P90M SMUGGLED SUGAR BANTAY-SARADO SA BOC

SA hangaring sawatain ang anomang tangkang ‘burikiin’ ang mga kum­piskadong kontrabando, personal na pinangasiwaan ni Customs Commissioner Bienvenido Rubio ang inspeksyon at imbentaryo ng mga nasabat na asukal at sigarilyong nakalagak sa Manila International Container Port (MICP).

“Customs Commissioner Bienvenido Rubio, with Intelligence Group Deputy Commissioner Juvymax Uy and Manila International Container Port (MICP) District Collector Arnoldo Famor, led the physical examination of five shipments containing P90-million worth of smuggled sugar and cigarettes on Friday, February 17, at MICP,” ayon sa kalatas na inilabas ng Bureau of Customs (BOC).
Sa datos ng kawanihan, kabilang sa talaan ng mga bantay-saradong kontrabando ang mga container na dumating sa bansa mula Enero 5 hanggang Pebrero 12 ng kasalukuyang taon.

Kasado na rin anila ang seizure and forfeiture proceedings sa mga nasabing kargamento, alinsunod sa Republic Act 10863 (Customs Modernization and Tariff Act), RA 10845 (Anti-Agricultural Smuggling Act of 2016) at mga umiiral na reglamento ng Sugar Regulatory Administration (SRA) at National Tobacco Administration (NTA).

Inatasan na rin ni Rubio ang BOC Action Team Against Smugglers (BATAS) na tiyaking matibay ang kasong isasampa laban sa mga importer batay sa dokumentong kalakip ng mga nasabat na asukal at sigarilyo.

“We cannot stress it enough: it is unlawful to bring products into the Phi­lippines without the proper permits. By now, these unscrupulous groups should understand the severity of our non-stop campaign against their illegal activities,” bukod na pahayag ni Customs Deputy Commissioner Juvymax Uy.

194

Related posts

Leave a Comment