MATAPOS matanggap ang sipi ng direktiba hinggil sa balasahan sa kawanihan, walang sinayang na panahon si dating Port of NAIA District Collector Carmelita Talusan na agad sumabak sa trabaho sa kanyang bagong tanggapan – sa Port of Subic sa Lungsod ng Olongapo.
Sa unang araw sa kanyang bagong destino, malugod na tinanggap ng mga opisyales at kawani ng Port of Subic ang bagong District Collector na mangangasiwa sa operasyon ng naturang distrito.
“With her extensive background in Customs and trade, Collector Talusan brings experience and expertise to this critical role. Having served in various capacities within the bureau and successfully managed numerous projects, she is well-prepared to navigate the challenges and intricacies of operations at the Port of Subic,” saad sa isang pahayag ng mga opisyales ng Port of Subic.
Bitbit ni Talusan sa kanyang bagong tahanan ang kaalaman at kasanayan sa pagpapalakad ng BOC district collection office.
Sa kumpas ni Talusan, nailatag ang reporma sa Port of NAIA kung saan kabi-kabila ang matagumpay na operasyon laban sa mga sindikato sa likod ng mga ilegal na kontrabando.
Pag-amin ni Talusan, malaking hamon ang pamumuno sa Port of Subic, kasabay ng pangakong ibibigay ang ‘ciento-por-ciento’ para mahagip ang buwanang target collection kasabay ng pagpuksa sa mga sindikato, modernisasyon at iba pang nakasaad sa five-point priority program ni Customs Commissioner Bienvenido Rubio.
“I am honored and humbled to once again assume the role of Collector of the Port of Subic. I expect your support and look forward to working with all of you in upholding the bureau’s mission of facilitating trade and collecting rightful revenue. Together, let us work diligently in serving our country and supporting the reforms of Commissioner Rubio,” ani Talusan.
(JOSE OPERARIO)
225 
