‘HIT-AND-RUN’ SA WPS PINASISILIP NI TOLENTINO

NANAWAGAN si Majority Leader Francis “Tol” Tolentino na imbestigahan ang nangyaring hit-and-run na kinasangkutan ng umano’y Chinese commercial vessel, Yang Fu, na bumangga sa isang maliit na bangkang pangisda ng mga Pilipino malapit sa Bajo de Masinloc, West Philippine Sea.

Sa press briefing nitong Martes, Hulyo 9, sinabi ni Tolentino na ang bangkang pangisda ng Pilipino, kasama ang dalawang mangingisdang sakay na nagngangalang Jose at Robert Mondeñedo, ay nabangga ng commercial vessel (Yang Fu) noong Linggo ng hapon (Hulyo 7) habang ito ay naka-angkla sa isang “payao,” isang uri ng instalasyon ng pangingisda.

Nawawala pa ang mangingisdang si Jose habang nasagip si Robert, batay sa ulat ng Philippine Coast Guard (PCG).

“Tama iyan. Ang nakikita ko ay ang International Maritime Organization (IMO) para linawin kung ano talaga ang rehistro, dahil sila ang makakatukoy kung ano ang rehistro. Bagama’t may mga character na Tsino (nakasulat sa sisidlan), kung minsan ay iba ang bandila ng pagpapatala. Ang kailangan ngayon ay alamin kung nasaan ang nawawala nating mangingisda,” ani Tolentino. (DANNY BACOLOD)

44

Related posts

Leave a Comment