ARESTADO ng mga awtoridad ang isang 45-anyos na barangay kagawad na kandidato sa Barangay at Sangguniang Kabataan Election, sa ikinasang buy-bust operation sa Sta. Mesa, Manila.

Kinilala ng Manila Police District – Sta. Mesa Police Station 8, ang suspek na si Rolando Supan, residente ng Sta. Mesa, Manila.

Ayon sa ulat ni Police Lieutenant Colonel Dionelle Brannon, station commander, bandang alas-1:00 ng madaling araw nang arestuhin ang suspek ng mga tauhan ng Station Drug Enforcement Unit (SDEU).

Nabatid sa report ng pulisya, ang suspek ay iniuugnay sa ilegal na aktibidad na may kinalaman sa ilegal na droga katulad ng marijuana at shabu sa Brgy. 599 at Brgy.600 sa Sta. Mesa.

(RENE CRISOSTOMO)