TINATAYANG nasa P2.67 milyong halaga ng ilegal na droga ang nasabat ng pinagsanib na puwersa ng Bureau of Customs – Port of Clark sa Pampanga, katuwang ang Philippine Drug Enforcement Agency.
Ayon sa ulat, umabot sa 535.6 gramo ng Ketamine ang nasamsam ng Customs Anti-Illegal Drug Task Force (CAIDTF), Enforcement & Security Service, Customs Intelligence and Investigation Service, X-ray Inspection Project, sa tulong ng PDEA, na isiningit sa ilalim ng polycarbonate sheets.
Nabatid na nagmula ang kargamento sa Hoofddorp, The Netherlands, na idineklarang mga damit subalit nang isalang sa x-ray scanning ang kargamento ay may suspicious images na nakita. Naging daan ito para madiskubre ang apat na polycarbonate sheets na ginamit para itago ang white crystalline substances na hinihinalang ilegal na droga.
Lumitaw sa pagsusuri ng CAIDTF na ang kuwestyuunableng substances ay kinakitaan ng presensiya ng “Special K, Ketamine”.
Agad nagsagawa ng chemical laboratory analysis ang PDEA sa nakuhang sampales at dito napatunayan na ang substances ay may Ketamine, isang classified dangerous drug sa ilalim ng RA 9165 o Comprehensive Dangerous Drugs Act of 2002.
Kasunod ng ulat ng PDEA, agad na ipinag-utos ni District Collector Alexandra Lumontad ang pagpapalabas ng
Warrant of Seizure and Detention laban sa kontrabando dahil sa paglabag sa Sections 119 (d), at 1113 (f) ng RA 10863 o Customs Modernization and Tariff Act, at Section 4 ng RA 9165.
Magugunitang noong Hunyo ay nasamsam sa nasabing Puerto ang P2.5-million na halaga ng Ketamine mula Spain na inipit naman sa picture frames.
“BOC under the leadership of Commissioner Yogi Filemon Ruiz continues to further intensify its border protection efforts, in line with the directives of President Ferdinand Marcos Jr. to stop the smuggling of illegal drugs in the country,” ayon pa sa BOC. (JESSE KABEL)
77 
