TULUYAN nang sinibak sa pwesto ang Director ng Philippine National Police-Drug Enforcement Group (PDEG) na si Police BGen. Narciso Domingo.
Kahapon inihayag ang reassignment order para kay Domingo na pirmado ni Director for Personnel and Records Management Police Maior General Robert Rodriguez.
Pansamantalang inilipat si Domingo sa Office of the PNP Chief.
Hinirang namang kahalili ni Domingo sa PDEG si Police BGen. Faro Antonio Olaguera na hinugot mula sa PNP- Logistics Service.
Matatandaang si Domingo ay kasama sa dalawang heneral at walo pang PNP officers na pinangalanan ni DILG Sec. Benhur Abalos Jr., na sangkot sa umano’y tangkang cover-up sa nasabat sa P6.7 billion na shabu sa lending shop ni PMSgt. Rodolfo Mayo sa Maynila noong Oktubre 2022. (JESSE KABEL RUIZ)
222 
