SA CAMANAVA: 10 PA PATAY, ACTIVE COVID CASES – 4,386

SAMPUNG muli ang namatay dahil sa COVID-19 sa CAMANAVA (Caloocan, Malabon, Navotas, Valenzuela) area noong Marso 27 at umabot na sa 4,386 ang active cases.

Ayon sa ulat, apat ang patay sa Malabon City, 64 ang nadagdag na confirmed cases at sa kabuuan ay 9,025 ang positive cases sa lungsod, 1,092 dito ang active cases.

Habang 82 pasyente ang nadagdag sa bilang ng mga gumaling. Sa kabuuan ay 7,623 ang recovered patients ng siyudad at 310 na ang death toll.

Tatlo naman ang patay sa lungsod ng Valenzuela at 854 ang active cases makaraang 286 ang gumaling at 193 naman ang magpositibo.

Umabot na sa 12,313 ang confirmed cases sa lungsod, 11,145 ang recovered at 314 ang pandemic fatalities.

Dalawa ang namatay dahil sa pandemya sa Navotas City at mula sa dating pinakakaunting aktibong kaso sa CAMANAVA, ito na sa kasalukuyan ang nangunguna sa bilang ng active cases na umakyat sa 1,244.

Umabot na sa 8,011 ang tinamaan ng COVID-19 sa Navotas, kung saan 6,534 na ang gumaling at 233 ang namatay hanggang noong Marso 27.

Samantala, isa ang patay sa Caloocan City dahil sa pandemya at 1,196 na ang active cases sa lungsod.

Umakyat na sa 17,186 ang tinamaan ng COVID-19 sa Caloocan, kung saan 15,455 na ang gumaling at 535 ang namatay. (ALAIN AJERO)

69

Related posts

Leave a Comment