INABOT ng dalawang oras at 45 minuto ang pang-anim at huling State of the Nation Address (SONA) ni Pangulong Rodrigo Duterte, Lunes ng hapon.
Kabilang sa mga present sa SONA sina: DOTr Sec. Arthur Tugade, Papal Nuncio Archbishop Charles Brown, DOT Sec. Bernadette Puyat, DILG Sec. Eduardo Año, DOH Sec. Francisco Duque III, PNP Chief Gen. Guillermo Eleazar, maging ang mga aktor na sina Robin Padilla at Philip Salvador.
Isa sa mga ibinida ng pangulo ang paghabol o pagtugis sa water concessionaires na kanya umanong maipagyayabang sa kanyang mga anak.
Naging daan ito upang ang mga bagong kasunduan ay matintahan kasama ang mga pribadong kumpanya.
Sinabi ni Pangulong Duterte na ang mga dating kontrata kung saan pinapayagan ang mga concessionaire na bayaran ang kanilang corporate taxes sa pamamagitan ng “fees” na binabayaran ng consumers, ay in-addressed na sa updated contracts.
Hindi man pinangalanan ni Pangulong Duterte kung ano ang kumpanyang ito subalit batid naman ng publiko na inaway ng pangulo ang major water concessionaires na Manila Water Company Inc. at Maynilad Water Services Inc. noong nakaraang taon.
Matatandang, Hunyo 2020 nang ipag-utos ni Pangulong Duterte na gumawa ng mga bagong kontrata para sa mga kumpanya na aniya’y kailangan na maging patas.
“Now there’s a new contract, I have not thoroughly digested. ‘Pag nandyan na ‘yan, then I will sign, but I will not forget in telling them the crime is there already, and any Filipino would want to go after you,” anito.
Sinasabing, may ilang mahahalagang features ang revised concession agreements kabilang na ang pag-alis sa government non-interference clauses, at adjustment ng probisyon na magko-compromise sa medium at long-term government liabilities. (CHRISTIAN DALE)
169 
