SPECIALTY HOSPITAL SA ILOCOS IPINANUKALA NI REP. MARCOS

MAGTATAYO ng mga specialty hospital sa pagitan ng Ilocos Sur at Ilocos Norte.

Ito ang nakapaloob sa House Bill (HB) No. 3752 o Satellite Specialty Hospitals for Northern Luzon Act, na inakda ni presidential son at Ilocos Norte Rep. Sandro Marcos.

Itatayo ang branch ng Philippine Heart Center, National Kidney and Transplant Institute, Lung Center of the Philippines, Philippine Children’s Medical Center, Philippine Cancer Center sa pagitan ng Badoc, Ilocos Norte at Sinait, Ilocos Sur na popondohan ng P5 billion.

“Health facilities and services, in order to be beneficial to the people, must be adequate, affordable and ‘accessible.’ The problem with our health system is that the major specialty hospitals… are all located in the Metropolitan Manila area, specifically in Quezon City,” ayon sa panukala ng mambabatas.

Dahil dito, karamihan sa mga Filipino na nakatira sa labas ng National Capital Region (NCR) ay kailangang lumuwas pa upang maipagamot ang kanilang mga mahal sa buhay na nagkakasakit.

Dagdag na pahirap aniya ito, hindi lamang sa mga pasyente kundi maging sa kanilang pamilya hindi lamang sa transportasyon kundi sa bayad sa kanilang paninirahan sa Metro Manila.

“This sometimes-insurmountable issue of distance tends to deny said patients with quality healthcare which in effect renders illusory the constitutional guarantee of ‘right to health’ of our people,” dagdag pa ni Marcos.

Pangangasiwaan ng Department of Health (DOH) ang mga specialty hospital na itatayo sa pagitan ng dalawang probinsya ng Ilocos.

Magugunitang sinabi ng ama ng mambabatas na si President Ferdinand “Bongbong” Marcos Jr. sa kanyang unang State of the Nation Address (SONA) noong Hulyo na plano nitong magtayo mga specialty hospital sa iba’t ibang probinsya. (BERNARD TAGUINOD)

76

Related posts

Leave a Comment