TINIYAK ni Pangulong Rodrigo Duterte sa publiko na bababa siya matapos ang kanyang termino sa Hunyo 2022.

“Hindi ako magtatagal bilang Presidente. Ito na ang aking ikatlong taon. Malapit nang matapos,” sabi ng Pangulo sa National Federation of the Motorcycle Clubs of the Philippines annual national convention sa Iloilo City.

“Hindi ako sigurado kung buhay pa ko sa loob ng tatlong taon pero kung pahihintulutan ng Diyos, tinitiyak ko sa lahat na bababa ako sa pagtatapos ng aking termino,” dagdag pa nito.

Inamin ng Pangulo na ‘pagod’ na siya sa korupsiyon.  Makalawang ulit na niyang binalak na tapusin na agad ang kanyang pagka-Pangulo dahil na rin sa kakapanghihinang korupsiyon na natutuklasan.

“Sa katunayan, pagod na ako.. pagod na pagod dahil na din sa korupsiyon.”

“Hindi ako magiging politician forever,” ayon pa sa Pangulo.