(NI ROSE PULGAR)

NAGPADALA na ng contingency team ang Department of Foreign  Affairs (DFA) sa bansang Libya upang saklolohan ang mga Pinoy doon na naipit sa giyera makaraang itaas sa alert level 3 ng Embahada ng Pilipinas ang kaguluhan sa Tripoli.

Ayon sa DFA, dalawang team ang kanilang ipinadala sa Libya at ang una ay  pinangunahan ni Executive Director  Enrico Co,  ng Office of Migrant Workers Affairs (OMWA) na dumating noong Sabado  sa Libya.

Ang ikalawang team ay pinangunahan naman ni Director Irish Arivas, na dumating naman Lunes ng hapon.

Nabatid pa sa DFA na sa  ngayon umano  ay may 19 na request na ang natanggap ng embahada ng Pilipinas  sa Tripoli para sa repatriation ng Pinoy workers.