LEONEN MASISIBAK NA SA SC?

(NELSON S. BADILLA)

NAPAKALAKI ng posibilidad na matatapos na ang kontrata ni Associate Justice Marvic Leonen sa Korte Suprema ngayong taon dahil nakahanda ang Kamara de Representantes na talakayin ang impeachment complaint na inihain laban sa mahistrado noong Disyembre 10.

Ito ang prediksyon ng Filipino League of Advocates for Good Governance – Maharlika (FLAG-Maharlika) makaraang mabalitaan ang utos ni Speaker Lord Allan Jay Velasco na isama na sa “order of business” ng Kamara ang impeachment complaint laban kay Leonen sa pagbubukas ng sesyon ng Kongreso sa Mayo.

Nabatid na Marso 25 inilabas ni Velasco ang kanyang memorandum hinggil sa iskedyul ng impeachment.

Ayon kay FLAG – Maharlika Secretary General Edwin Cordevilla, ang nakatakdang talakayan ng mga kongresista sa mga kasong isinampa laban kay Leonen ay positibong pangyayari ng krusada ng nasabing samahan laban sa mga opisyal ng pamahalaan na sagad-saring suwail sa Konstitusyon at mga batas ng bansa katulad ng mga reklamo laban kay Leonen na halos apat na buwang nakapila sa tanggapan ni Speaker Velasco.

Banggit ni Cordevilla, sa press statement, na ang FLAG-Maharlika ay “optimistic that our duly elected representatives in Congress will do their sworn duty to review and vote on the merits of our complaint against Associate Justice Marvic Leonen”.

Ang higit na mahalaga, ayon kay Cordevilla, ay ang matatapos na ang maliligayang araw ni Leonen sa mataas na korte ngayong taon batay na rin sa napakayaman at napakalakas ng mga ebidensiya na kanilang inihain laban sa senior magistrate.

Naitalaga si Leonen sa Korte Suprema noong Nobyembre 21, 2012 ni dating Pangulong Benigno Simeon Cojuangco Aquino III nang putulin nito ang maiksing trabaho ng una bilang pinuno ng peace making offer ng pamahalaan sa isang pangkat ng mga rebeldeng Muslim.

Inakusahan ng FLAG-Maharlika si Leonen ng “culpable” na paglabag sa mahahalagang probisyon ng Konstitusyon at iba pang nagawang krimen sa ilang mga batas, kabilang ang Republic Act 6713, o ang Code of Conduct and Ethical Standards for Public Official and Employees.

Ang punto ng reklamo ng FLAG-Maharlika ay nakagawa umano si Leonen ng pinakamasahol na krimen dahil sa tahasang paglabag sa Konstitusyon, ang pangunahing batas ng bansa.

Nagpahayag si Cordevilla ng “tiwala” na ang pinakamalaking bilang ng mga kongresista ay boboto pabor sa impeachment complaint “given the precedent set forth in similar past rulings regarding our Supreme Court Justices for far lesser offences that Justice will prevail”.

“God-willing should the majority of our representatives find our complaint with merit, let this serve as warning to those in the Judiciary that as the one who serves as our Judge that they should be exemplary in their compliance with all laws and for those who purposely delay Justice that Justice delayed is Justice Denied,” patuloy ni Cordevilla.

Panghuli, nagpasalamat si Cordevilla at umaasa na “The scale of Lady Justice, side with what is right for our country, may it side with us”.

95

Related posts

Leave a Comment