PERSONAL na dadalo si Pangulong Rodrigo Roa Duterte sa komemorasyon ng Independence Day ng bansa ngayong Hunyo 12.
Sinabi ni Presidential spokesperson Harry Roque, ito’y gagawin sa labas ng Metro Manila subalit hindi naman niya sinabi kung saan “for security reasons.”
Bibigyang-pugay, ani Sec. Roque ni Pangulong Duterte ang mga Pilipino na nagsakripisyo para ipaglaban ang kalayaan ng bansa.
“Ang mensahe po natin, talagang ang Pilipino sa mula’t mula iaalay ang buhay para sa kalayaan ng inang bayan,” anito.
Samantala, ang kauna-unahang pagkakataon na “physically present” ang pangulo sa pagdaraos ng Independence Day rites mula nang maging pangulo siya ng bansa ay noong Hunyo 30, 2016 sa 2018 commemoration sa Kawit, Cavite. (CHRISTIAN DALE)
52 
