RADIO STATIONS PINABIBIGYAN NG PROVISIONAL LICENSE

NAGHAIN si Senador Manuel “Lito” Lapid ng panukalang batas na naghahangad na magbigay ng pansamantalang mga lisensya sa mga istasyon ng radyo na may nakabinbing aplikasyon ng pag-renew ng prangkisa sa Kongreso.

Sa Senate Bill 1522, nais nitong amyendahan ang Section 1 ng Republic Act No. 3846 na nagsasaad na dapat na magkaroon ng regulasyon sa mga radio station sa bansa.

“A legislative franchise for a radio station of any person, firm, company, association or corporation shall be deemed provisionally renewed upon the valid filing in Congress of a bill seeking for its renewal,” ayon sa panukala.

Isinasaad pa rito na pagkalooban ng provisional license ang istasyon ng radyo bago ang aktwal na pag-expire ng legislative franchise.

“Malinaw na may pagkukulang o butas sa ating batas kaugnay sa pag-renew ng prangkisa ng isang kumpanya pero kaya naman itong remedyuhan ng isa ring batas. Layunin ng panukalang inihain ko na solusyunan ang pagkukulang o hindi patas na probisyon kaugnay sa pagtrato sa mga kumpanyang humihiling na ma-renew ang kanilang prangkisa. Hindi dapat ibigay ang buong kapangyarihan sa National Telecommunications Commission (NTC) para magdesisyon kung ano-anong istasyon ang magpapatuloy ang operasyon at ano ang dapat nang ipasara habang nakabinbin ang aplikasyon para sa renewal ng kanilang prangkisa,” paliwanag ni Lapid. NOEL ABUEL

116

Related posts

Leave a Comment