SERYE NG AIRCRAFT CRASHES PINABUBUSISI SA SENADO

HINILING ni Senador Ramon Bong Revilla Jr. sa kaukulang komite sa Senado na magsagawa ng investigation in aid of legislation sa serye ng aircraft crashes na kinasasangkutan ng chartered flights, non-scheduled commercial flights at pilot training schools.

Layon ng Senate Resolution 513 ni Revilla na makabuo ng mga hakbangin na magpapalakas sa kasalukuyang aviation protocols at practices na tumutugon sa international safety standards.
Sinabi ni Revilla na dapat pairalin ng Senado ang oversight function nito at busisiin ang estado ng aviation industry para matiyak ang kaligtasan ng mga piloto, student-pilot, crew members at mga pasahero bukod pa sa maiwasan ang casualties at pinsala sa mga ari-arian.

Dapat anyang tutukan ang pagbusisi sa aircraft and fleet maintenance, operating standards, training systems ng aviation schools, at tukuyin kung bakit ang mga non-compliant aircraft na tinagurian nang flying coffins ay napapayagan pa ring lumipad.

Ipinaalala ng senador na ang safe aviation system ay malaking bahagi ng economic development partikular sa tourism industry kaya’t dapat matiyak ang kaligtasan ng lahat.

Binanggit sa resolution ang dalawang aircraft incidents nitong Enero at Pebrero na kinasangkutan ng cessna planes. (DANG SAMSON-GARCIA)

117

Related posts

Leave a Comment