MAGKAKAROON ng bilateral talks si Pangulong Ferdinand Marcos Jr. sa 10 state leaders mula sa European Union para palakasin ang ugnayan ng Pilipinas sa Western world.
Sinabi ni DFA Assistant Secretary for ASEAN Affairs Daniel Espiritu sa pre-departure press briefing sa Malakanyang na ang mga lider ng bansa na nakatakdang kausapin ng Pangulo ay kinabibilangan ng Belgium, Estonia, Czech Republic, Spain, Denmark, Germany, Poland, Finland, The Netherlands at European Union.
“Marcos will conduct these extensive meetings at the sidelines of his three-day participation at the Association of Southeast Asian Nations (ASEAN)-European Union (EU) Summit in Belgium starting December 12,” ayon kay Espiritu.
At dahil ang Pilipinas ang kasalukuyang coordinator sa pagitan ng ASEAN at EU, uupo si Pangulong Marcos kasama ang EU leader para pag-usapan ang relasyon ng dalawang regional blocs.
“This might include the pending free trade agreement particularly between the Philippines and the EU,” dagdag na pahayag ni Espiritu.
Uungkatin din umano ni Pangulong Marcos Jr. ang isyu sa South China Sea.
Binigyang-diin pa ni Espiritu na ipagpapatuloy ng gobyerno ng Pilipinas ang posisyon nito sa nasabing usapin sa magiging talakayan sa ASEAN at EU.
Hindi naman aniya kasama sa posibleng hihingin na commitment ng Pilipinas mula sa EU ang patrol support. (CHRISTIAN DALE)
114 
