CAVITE – Swak sa kulungan ang tatlong hinihinalang tulak ng ilegal na droga makaraang naaresto sa isinagawang buy-bust operation at nakumpiska ang P1.7 milyong halaga ng umano’y shabu sa parking lot ng isang kilalang mall sa Gen. Trias City noong Huwebes ng gabi.

Nasa kustodiya na ng Gen. Trias Component City Police Station ang naarestong mga suspek na sina alyas “Usman”, “Agul” at “Camile”.

Ayon sa ulat, bandang alas-8:50 ng gabi nang magsagawa ng buy-bust operation ang mga operatiba ng Philippine Drug Enforcement Agency (PDEA) Regional Office 4A RSET, Philippine National Police (PNP) RDEU at Gen. Trias CPS sa rear open parking lot ng isang mall sa Brgy. Tejero, Gen. Trias City na nagresulta sa pagkakaaresto sa mga suspek.

Nakumpiska sa mga ito ang tinatayang 250 gramo ng hinihinalang shabu nay may standard drug price na P1,7000,000, na nakalagay sa isang brown paper bag, buy-bust money at isang cellphone. (SIGFRED ADSUARA)