DINE-IN SERVICES SA MM PARA LANG SA BAKUNADO

0

PAPAYAGAN na ang dine-in services sa Metro Manila ngunit ito ay para lamang sa mga indibidwal na nakakumpleto na ng bakuna laban sa COVID-19.

Ayon kay Tourism Secretary Bernadette Romulo-Puyat, kasabay ng pagsasailalim ng Metro Manila sa alert level 4 ngayong araw, Setyembre 16 ay papayagan na rin ang limitadong operasyon sa mga restaurant at fast foods.

Sa ilalim ng alert level 4 system, 10% lamang ang papayagang kapasidad sa dine-in operations at kinakailangang magpakita ng kanilang vaccination card ang mga kostumer.

Maaari pa ring kumain ang mga hindi bakunado ngunit limitado sila sa al-fresco dining sa 30% kapasidad.

Samantala, iniulat ng OCTA Research Group na bahagya pang bumaba ang COVID-19 reproduction number sa Metro Manila sa linggong ito.
Nabatid na patuloy ang pagtatala ng average na mahigit 5,000 COVID-19 cases kada araw, ayon kay OCTA Research Group fellow Dr. Guido David.

Sa kanyang Twitter account, sinabi ni David na ang reproduction number sa National Capital Region (NCR) ay nasa 1.34 na lamang ngayong linggong ito, o pagbaba mula sa dating 1.39 nitong nakalipas na pitong araw.

 
"COMMENT DISCLAIMER: Reader comments posted on this Web site are not in any way endorsed by SAKSI NGAYON. Comments are views by saksingayon.com readers who exercise their right to free expression and they do not necessarily represent or reflect the position or viewpoint of saksingayon.com. While reserving this publication’s right to delete comments that are deemed offensive, indecent or inconsistent with SAKSI NGAYON editorial standards, SAKSI NGAYON may not be held liable for any false information posted by readers in this comments section."

Related posts

Leave a Comment