MAAARING i-require ng mga negosyante sa ilalim ng alert level 2 at 3 ang paggamit ng face shields sa kanilang mga empleyado at customers.

Ang pahayag na ito ni acting Presidential spokesperson at Cabinet Secretary Karlo Nograles ay kasunod ng hakbang ng Pilipinas na higpitan ang border control at minimum public health standards dahil sa Omicron variant.

“Sa closed settings pinag-uusapan kung kailangan but one thing is for sure, based on our latest IATF resolution, employers and establishments may require face shields for the protection of their customers, employees,” ayon kay Nograles.

“Right now the rule is for alert level 2 and alert level 3 except in healthcare settings. ‘Pag hospitals, healthcare settings required yan. For employers and establishments, it’s up to them to require,” dagdag na pahayag ni Nograles.

Sa ilalim ng Alert Level 3, pinapayagan nito ang maximum na 30% indoor venue capacity para sa mga fully vaccinated individual at 50% outdoor venue capacity.

Sa ilalim naman ng Alert Level 2, ang mga establisimyento ay pinapayagan ng maximum na 50% indoor capacity para sa fully vaccinated individuals at iyong 18 taong gulang pababa, kahit hindi bakunado at 70% outdoor capacity. (CHRISTIAN DALE)