CAVITE – Humabol sa Undas ang isang lalaki nang mabaril ang kanyang sarili ng sumpak sa Dasmarinas City noong Martes ng umaga.

Kinilala ang biktimang si alyas “Randolf”, nasa wastong edad ng Paliparan, Dasmariñas City.

Ayon sa ulat, dakong alas-8:00 ng umaga nang mangyari ang insidente sa bahay ng biktima sa Paliparan 3, Dasmariñas City.

Hawak umano ng biktima ang isang improvised shotgun (sumpak) nang aksidenteng pumutok ito at tinamaan siya sa katawan.

Narekober sa pinangyarihan ng insidente ang isang sumpak at isang piraso ng empty shell ng bala ng 12 gauge shotgun.

(SIGFRED ADSUARA)