ARESTADO ng mga awtoridad ang isang 18-anyos na binatilyo na itinuturing na no. 5 most wanted person sa kasong robbery, sa panulukan ng Tayuman St. at A.H. Lacson Avenue, Sta. Cruz, Manila noong Huwebes ng umaga.

Kinilala ang suspek na si alyas “Jomar”, 18, residente ng Barangay 373, Sta. Cruz, Manila

Base sa ulat ni Police Major Renz Krizztoper Figueroa, hepe ng Warrant and Intelligence Section ng Manila Police District – Sta. Cruz Police Station 3, na pinangangasiwaan ni Police Lieutenant Colonel Leandro Gutierrez, station commander, bandang alas-11:30 ng umaga nang matimbog ang suspek sa nabanggit na lugar.

Inaresto ang suspek sa bisa ng warrant of arrest na inisyu ni Presiding Judge Roy Gironella, ng Regional Trial Court, Branch 43 ng Manila, dahil sa kasong robbery. (RENE CRISOSTOMO)