TARGET NI KA REX CAYANONG

SA bawat hakbang ng pamahalaan patungo sa mas maunlad at mas malusog na komunidad, ang malasakit at serbisyo ng ating mga lider ay laging nagsisilbing ilaw na nagbibigay ng pag-asa at inspirasyon sa bawat mamamayan.

Kamakailan lamang, ipinakita ni Vice Governor Lilia “Nanay” Pineda ang kanyang walang kapantay na pagmamalasakit sa mga kabalen, lalo na sa dialysis patients mula sa District 1, 3, at 4, na nagtamo ng tulong mula sa Department of Social Welfare and Development (DSWD) at Kapitolyo.

Ang pagtitipon sa Bren Z Guiao Convention Center ay hindi lamang simpleng pamamahagi ng tulong. Ito ay isang patunay ng malasakit na personal na ipinadama ni Nanay Pineda sa kanyang pagbisita at pakikipagkamustahan sa 1,312 na mga pasyente.

Ang tig-P3,000 na financial assistance at food packs na ipinamahagi, kasabay ng mga medical check-up sa ilalim ng “Alagang Nanay Preventive Healthcare Program,” ay tunay na malaking ginhawa para sa mga kabalen na dumaranas ng sakit.

Hindi lamang ito natapos sa simpleng tulong pinansyal at pagkain. Ang pagbibigay ng maintenance medicines, vitamins, at eposino ay isang malaking hakbang para masiguro ang patuloy na kalusugan at kagalingan ng mga pasyente.

Ito ay isang patunay na ang pangangalaga ni Nanay Pineda at ng kanyang mga kasamahan, tulad nina Board Member Cherry Manalo, Acting PSWDO Fe Manarang, at Acting PHO Dr. Dax Tidula, ay hindi nagtatapos sa simpleng serbisyo kundi umaabot sa pangmatagalang benepisyo.

Sa kabilang banda, ang pagsuporta ni Governor Dennis “Delta” Pineda at Robert Gaza ay lalo pang nagpapalakas sa adhikain na matulungan ang mas maraming kabalen.

Ang kanilang pagtulong sa mga taga-Porac, Sta. Ana, at Floridablanca, lalo na noong panahon ng pandemya, ay nagbigay ng malaking ginhawa sa libu-libong mga kabalen.

Naisasagawa nila ito sa tulong ng DIGAMA Waste Porac at Mobile Kusina ni Don Robert Gaza

Sa ganitong mga inisyatibo, ating natutunghayan ang tunay na diwa ng malasakit at pagkakaisa.

Ang mga hakbang na ito ay hindi lamang isang pagtugon sa pangangailangan kundi isang patunay ng walang kapantay na pagmamahal at dedikasyon ng ating mga lider para sa kalusugan at kapakanan ng bawat kabalen.

Nawa’y magpatuloy ang ganitong klaseng serbisyo, na nagbibigay inspirasyon at pag-asa sa lahat ng mamamayan.

Mabuhay po kayo, mga bossing, at God bless!