DI KO GETS ni GIO ANDREW CAYANONG 

MASASABING ang kasalukuyang pagsuporta ng Bicol Saro Party-list kay Speaker Martin Romualdez ay hindi lamang nagbibigay diin sa kanyang kakayahan bilang lider ng Kamara kundi nagpapakita rin kung paano dapat mamuno sa bansa.

Ang katotohanang sinusuportahan ng Bicol Saro Party-list ang inklusibo at action-oriented na pamumuno ni Speaker Romualdez.

Ito ay isang magandang ehemplo ng kung paano dapat magkaroon ng lider na handa at may kakayahang pagsamahin ang iba’t ibang mga partido at sektor para sa ikauunlad ng bansa.

Ang ganitong liderato ay nagpapalakas ng demokratikong proseso at nagbibigay daan para sa malawakang suporta mula sa Kongreso.

Nariyan ang mabilis na pag-apruba ng Kamara para sa priority bills na nagpapakita ng epektibong koordinasyon at pamumuno ni Speaker Romualdez.

Ang kakayahan niyang pamahalaan ang Kamara nang may pagmamalasakit sa mga detalye at pag-unawa sa mga pangangailangan ng mga mambabatas ay nagdulot ng positibong resulta para sa mga proyekto at mga polisiya ng gobyerno.

Ang pagtutok sa mga lokal na proyekto at mga batas na makikinabang ang Bicol Region ay isang konkretong halimbawa kung paano niya pinapahalagahan ang mga rehiyon sa Pilipinas. Ito’y nagpapakita ng pag-unawa ni Speaker Romualdez sa pangangailangan ng lokal na mga komunidad at kahalagahan ng kanilang pagsasama-sama sa pag-unlad ng bansa.

Siyempre, ang pagsusulong ni Speaker Romualdez ng inklusibong pamumuno, kung saan niya pinakinggan at iginalang ang opinyon ng lahat ng mga mambabatas, ay isang mahalagang katangian ng isang lider. Ito ay nagpapakita ng kanyang pagiging bukas sa iba’t ibang pananaw at kanyang kakayahang makipagtulungan sa lahat para sa kabutihan ng bayan.

Ang Bicol Saro Party-list at ang kanilang pagsuporta kay Speaker Romualdez ay isang patunay na ang tamang liderato ay may malalim na epekto sa pag-unlad ng bansa.

Maituturing na ito ay isang inspirasyon para sa iba pang mga lider sa buong bansa na dapat sundan ang halimbawang ito ng kooperasyon, pagkakaisa, at pagkilala sa halaga ng bawat sektor ng lipunan para sa ikabubuti ng Pilipinas.