1 SA ‘MORONG 43’ NAPATAY SA SAGUPAAN

ORIENTAL Mindoro – Patay ang isang babaeng umano’y health worker na miyembro umano ng NPA, at isang batang lalaking sibilyan naman ang nasugatan, sa pakikisagupa sa militar sa Brgy. Mangangan Uno, bayan ng Baco sa lalawigang ito noong Huwebes.

Kinilala ni Col. Jose Augusto Villareal, Commander ng 203rd Infantry Brigade ang napatay na si Lorelyn Saligumba alyas Fara, isang political instructor ng KLG ICM Platoon Dos, at miyembro umano ng tinaguriang “Morong 43”na nagpanggap na grupo ng health workers na konektado sa NPA.

Nangyari ang sagupaan ng mga sundalo at 10 miyembro ng NPA dahi sa sumbong ng mga residente sa umano’y pangingikil ng pagkain dahil sa sobrang gutom ng mga rebelde sa kabundukan .

Napatay si alyas Fara habang tumatakas at tinamaan naman ng ligaw na bala sa kanyang kaliwang hita ang 12-anyos na batang lalaki. (CYRILL QUILO)

67

Related posts

Leave a Comment