CAVITE – Umabot sa 24 hinihinalang drug pushers ang binitbit ng mga tauhan ng Cavite Police sa isinagawang buy-bust operations sa magkakahiwalay na lugar sa lalawigang ito.

Sa ulat ng Cavite Police Provincial Office (CPPO), dakong alas-6:00 ng hapon hanggang alas-11:50 ng gabi noong Biyernes nang isinagawa ang buy-bust operations sa limang siyudad at walong bayan ng Cavite na nagresulta sa pagkakaaresto sa 24 suspek.

Sa nasabing operasyon, limang suspek ang nadakip sa Bacoor City; tig-tatlo sa Cavite City at Dasmariñas City; tig-2 Kawit, Gen. Trias City at Indang; habang tig-1 sa Tanza, Carmona, Rosario,
Amadeo, Naic at Imus. (SIGFRED ADSUARA)