CEBU – Dead on the spot ang isang 47-anyos na lalaking umano’y drug personality makaraang pagbabarilin sa Sitio Kadulang, Barangay Marigondon sa Lapu-Lapu City noong Huwebes ng madaling araw.

Ayon kay Police Lieutenant Colonel Christian Torres, spokesperson ng Lapu-Lapu City Police Office (LCPO), itinawag sa LCPO Police Station 4 ang nasabing insidente ng pamamaril.

Duguan at wala nang buhay nang datnan ng nagrespondeng mga tauhan ng Police Station 4, ang biktima sa gilid ng kalsada.

Habang wala na rin sa lugar ang sinasabing bumaril sa lalaki.

Tumanggi namang ibigay ng pulisya ang pagkakakilanlan ng suspek na pakay ng manhunt operation at follow-up investigation. (JESSE KABEL RUIZ)