(NI VIRGI T. ROMANO, Saksi Ngayon, Sports Editor)
SA pag-akyat ni Pacquiao (61-7-2, 39 knockouts) sa ring ngayon, ika-71 laban na niya ito. Muli ring lalabanan ng Pambansang Kamao ang kanyang edad na 40, upang ipakita sa lahat na may Natitira pa sa kanyang tangke.
Ito ang ikalawang pagsabak ni Pacquiao sa Amerika, matapos ang dalawang taon. Siya ay bumalik noong Enero at tinalo si Adrien Broner.
“Gusto kong ipakita sa lahat na kahit 40 na ako ay magagawa ko pa rin ang ginagawa ko dati,” lahad ni Pacquiao.
Ito rin ang ikalawang laban ng 30-anyos na si Thurman, makaraan ang dalawang taong pagliban sanhi ng injury.
Noong Enero ay tinalo ni Thurman si Josesito Lopez, kung saan nakitaan si Thurman ng pangangalawang, pero naitakbo pa rin ang panalo.
“This is a once in a lifetime opportunity to destroy a legend,” wika ni Thurman.
110 
