Ni ANN ENCARNACION
SIMULA na ngayon (Lunes) ng puspusang ensayo ng Gilas Pilipinas para sa November window ng FIBA qualifier at iba pang international tourney.
“This isn’t just for the November window, it’s also looking forward to the 2023 FIBA World Cup,” sabi ni Gilas team manager at Samahang Basketbol ng Pilipinas (SBP) deputy executive director Butch Antonio.
“For November, we’ll be picking players from San Miguel Beer, Barangay Ginebra and TNT. Depending on PBA approval of a proposed trade, either Troy Rosario or Calvin Oftana will also join,” dagdag niya.
Nag-adjust ng schedule ang PBA para sa Commissioner’s Cup para bigyan daan ang mga manlalaro sa tatlong clubs makasama sa Gilas practice sa Meralco gym.
Sasabak ang national team sa road games kontra Jordan at Saudi Arabia para sa fifth window sa Nobyembre.
Tatlong UAAP players ang inimbitahan sa Gilas kabilang sina Carl Tamayo ng UP, Kevin Quiambao ng La Salle, at Ange Kouame ng Ateneo na posibleng maging naturalized back-up.
Sa ngayon, pinoproseso na ang pagiging naturalized player ni Ginebra import Justin Brownlee para sa Nobyembre at Pebrero FIBA windows bunsod ng conflict sa schedule ni Jordan Clarkson, miyembro ng NBA team Utah Jazz.
NAVARRO
BINAWALAN
NG FIBA
HINDI pinayagan ng FIBA ang national pool player na si Wil Navarro na maglaro sa Korea.
Ito ay dahil may umiiral na kontrata sa Gilas Pilipinas ang NorthPort pick sa isinagawang special draft na si Navarro.
Samantala, kabilang sa inimbitahan sa Gilas practice sina Scottie Thompson, Japeth Aguilar at Arvin Tolentino ng Ginebra; June Mar Fajardo at CJ Perez ng SMB; RR Pogoy at Poy Erram ng TNT; at maging sina Chris Newsome ng Meralco at Jaime Malonzo ng NorthPort kahit walang katiyakan na makasasama sila sa final line-up.
95
