HEAT NAUNA SA CELTICS

MULA sa eight-point deficit sa halftime, bumalikwas ang Heat at itinala ang 118-107 demolition kontra Boston Celtics sa Eastern Conference finals series opener, Martes ng hapon (Miyerkoles sa Manila) sa FTX Arena sa Miami.

Iniskor ni Jimmy Butler ang 17 ng total 41 points sa pivotal third quarter, tungo sa double-digit lead.

Sa 62-54 count sa break, na-outscore ng Miami ang Celtics, 39-14 sa third quarter tungo sa pag-angkin ng 1-0 lead sa best-of-seven series.

Nagdagdag sina Tyler Herro, 18 points at Gabe Vincent, 17 points, para sa Heat.

Naging malaking bagay rin sa panalo ang magandang depensa ng Miami, nagtala ng 11 blocks, sa second half at napuwersa si Boston star Jayson Tatum na magkomit ng crucial errors.

Absent sina Marcus Smart (foot injury) at Al Horford ­(COVID-19 protocol) ng Celtics, habang may career-high 21 points sa first two quarters mula sa nine-of-14 field shooting si Tatum.

Si Robert Williams, starter para kay Horford, ay nag-ambag din ng malaki sa first half, 5-of-5 shooting at may total 12 points at two blocks.

Sa Miami pa rin ang Game 2 sa Huwebes (Biyernes sa Manila). (VT ROMANO)

263

Related posts

Leave a Comment