Ni ANN ENCARNACION
INAASAHANG blockbuster ang PBA Commissioner’s Cup best-of-five semifinals na magsisimula bukas (Miyerkoles) sa PhilSports Arena.
Unang maghaharap sa alas-3 ng hapon ang San Miguel at Bay Area, at main game sa alas 5:45 n.h. ang Barangay Ginebra at Magnolia.
Muling masasaksihan ng PBA fans ang ‘Manila Clasico’ sa pagitan ng magkaribal na sister teams Gin Kings at Hotshots.
Habang hindi rin padadaig sa No. 1 at guest team Dragons ang naghahangad mag-Grandslam na Beermen.
Tuluyang dinispatsa ng SMB ang Converge sa 120-107 win, at winalis ng Ginebra ang NorthPort, 99-93, sa quarterfinals noong Sabado.
Samantala, dahil sa twice-to-beat advantage ng Bay Area at Magnolia, agaran nilang napatalsik ang No. 8 Rain or Shine at No. 7 Phoenix (ayon sa pagkakasunod).
117