NAGKASYA si Pilipino ‘Sambo Queen’ Sydney Sy sa pilak na medalya sa 2022 FISU University World Cup Combat kahapon sa Samsun, Turkey.
Si Sy, produkto ng judo program sa University of Santo Tomas, ay nabigo (1-2) kay home bet Dirgen Duygu sa finals ng women’s sambo +80 kg.
Sumampa ang Pinay sa finals matapos talunin ang mas malaking kalaban na si Bielkova Marhayta ng Ukraine, 6-0.
Asam sana ng ipinagmamalaki ng Davao na tinagurian ding ‘Asian Sambo Queen’ maiuwi ang unang world title ngunit kinapos sa championship round.
Sa kabila nito, binati ni Sambo Pilipinas President Paolo Tancontian si Sy sa itinuturing na matagumpay na kampanya sa FISU. (ANN ENCARNACION)
102