(NI JEAN MALANUM)

WALA pa ring tatalo sa husay ng Zamboanga City nang humakot ito ng 16 gold medals sa National Open Weightlifting Championships na idinaos mula Hulyo 14-20 sa Rizal Memorial Sports Complex weightlifting gym.

Nakakuha ng pitong golds ang men’s team samantalang siyam naman ang nakamit ng women’s team sa kumpetisyon na pinamahalaan ng Samahang Weightlifting sa Pilipinas para piliin ang mga atleta na isasabak sa 30th Southeast Asian Games sa Nobyembre.

Ang mga gold winners sa men’s team ay sina Clyde Kent Enriquez (Open at Junior 109kg), Carlo Soriano (Junior 55kg), Lemon Denmark Tarro (Junior 67kg), Mango Prince Tarro (Youth 37kg), Orange Jan Lester Tarro (Youth 61kg) at Melon James Dores Tarro (Youth 67kg).

Nanalo naman sa women’s division sina Mary Flor Diaz (Open at Junior 45kg category), Rose Jean Ramos (Youth 45kg), Margaret Colonia (Open 59kg), Kristel Macrohon (Open 71kg), Princess Jay Ann Diaz (Youth 30kg), Jeanette Hipolito (Youth 35kg), Rica Pearl Bejerano (Youth 64kg) at MJ Calina (Youth 71+kg).

Nagpakitang gilas rin ang University of the East na nakakuha ng 12 gold medals mula sa men’s division (7) at women’s division (5).

Tatlong ginto ang nakopo ni Michael de Guzman (Open, Junior at Collegiate 96kg) at tig-dalawa naman sina Bhobbie Ace Asequia (Youth at Secondary 89+kg),  Alyssa Cuesta (Junior at Collegiate 71kg) at Sopia Amor (Youth at Secondary 59kg). Ang iba pang nanalo ay sina Fernando Agad (Secondary 49kg), Ames Uriel Zarandona (Secondary 89kg) at Aislynn Yap (Collegiate 87kg).

Nakapag-uwi rin ng apat na gold medals ang Philippine Air Force na galing lahat sa men’s Open category. Nagwagi rin sina Nestor Colonia (67kg), Jeffrey Garcia (73kg), Patrick Lee (102kg) at Richard Agosto (109+kg).