BABAENG DRUG MULE NAARESTO NG CUSTOMS; P28-M SHABU NAKUMPISKA SA THAI PASSENGER

DAHIL mas pinahigpit ng Bureau of Customs (BOC) ang pagbabantay sa puerto upang hindi makalusot ang pagpasok ng ilegal na droga, isang babaeng Thai passenger ang inaresto ng mga tauhan ng ahensiya kaugnay sa tangkang pagpupuslit ng P28 milyong halaga ng droga sa Ninoy Aquino International Airport.

Ang suspek na nakilalang si Pakira Janwong, 27, ay inaresto matapos tangkain nitong ilusot ang 4.125 kilos ng shabu na may street o market value na P28,050,000 na nakatago sa kanyang luggage.

Natuklasan ang shabu nang dumaan ang luggage ni Janwong sa x-ray scanning kung kaya’t kaagad siyang pinigilan ng mga alertong tauhan ng BOC.

Nabatid na ang suspek na isang Thai national ay dumating sa Pilipinas lulan ng AirAsia Zest Flight Z2 288 mula Bangkok, Thailand bandang alas-3 ng umaga noong Pebrero 3.

Nang isailalim sa test ang droga, nagpositibo ito na shabu kung kaya’t ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.

Ang nakumpiskang droga ay kaagad na itinurn-over sa laboratoryo ng Philippine Drug Enforcement Agency para sa tamang disposisyon.

Bunga nito, pinuri ni Commissioner Rey Leonard Guerrero ang mga tauhan ng BOC-NAIA na sumusunod na maayos sa kanilang mandato na bantayang mabuti ang mga lugar na pasukan sa ating bansa upang hindi makalusot ang mga ilegal na droga at iba pang kargamento kasunod nang pagbibigay babala sa mga magtatangka pang magpalusot ng ilegal na droga sa bansa.  Joel Amongo

 

 

Read More

5 HAKBANG SA PAGPAPADALA AT PAGKUHA NG PARCEL

PHILPOST

MAY  nais ka bang ipadala na parcel sa iyong pamilya sa Pilipinas? O may nais kang kunin na parcel galing sa iyong pamilya na nasa ibang bansa? Narito ang mga detalye na maaaring makasagot sa ilan mong katanungan.

STEP 1: Kung ikaw ay magpapadala ng parcel sa pamamagitan ng postal service tulad ng PHLPost, mag-fill up ng postal declaration form kasama ng parcel na ipapadala sa Pilipinas.

STEP 2:Maaring i-check online ang status ng iyong parcel gamit ang website ng PHLPost https://tracking.phlpost.gov.ph/ o gamit ang BOC Parcel Tracking System (http://parceltracking.customs.gov.ph/kiosk.php) at i-input ang Tracking Number na ibinigay ng post office.

STEP 3: Sa sandaling dumating sa bansa ang parcel, dadaan ito sa BOC para eksaminin at i-assess kung may kaukulang buwis na babayaran.

STEP 4. Hintayin ang Letter Notice mula sa PHLPost at ipasa ang mga nakasaad na karagdagang dokumento (kung mayroon man).

STEP 5:Kung kumpleto ang mga dokumento, hintayin na i-deliver ng PHLPost ang parcel sa local post office upang doon ito kuhanin at magbayad ng buwis (kung mayroon man). Magdala ng dalawang government IDs at Authorization Letter, kung ikaw ay representative ng owner.

Tandaan na ang  PARCELS o POSTAL ITEMS na ipinapadala sa pamamagitan ng postal services tulad ng parcel post, express post atbp. ay maaari lang maging duty and tax free kung hindi tataas sa P10,000 ang halaga ng nilalaman nito.

Para sa iba pang katanungan, maaari pong mag mensahe sa  bocnaiafeedback@gmail.com o sa bocmecphils@gmail.com. Maari ring i-check ang status ng iyong parcel gamit ang BOC’s Balikbayan Box and Parcel Tracking System (http://parceltracking.customs.gov.ph/kiosk.php).  Jo Calim

Read More

PINALAKAS NA BUREAU OF CUSTOMS

BOC

BILANG bahagi ng Commissioner’s 10-Point Priority Program, binuksan ng Bureau of Customs ang tanggapan nito para sa mga bagong tauhan at bagong promote na empleyado upang mas lalong mapatatag ang work force nito.

Dalawampung bagong tauhan at promoted personnel ang itinalaga sa Port of Davao na bukas palad na tinanggap sa isinagawang flag raising noong nakaraang Lunes.

Layunin nang pagtanggap at pagpromote ng personnel ng BOC ay upang pagandahin pa ang serbisyo nito sa kanilang stakeholders at partners.

Pinagsisikapan din ng pamunuan ng  BOC na makasabay ang Pilipinas sa pagdaigdigang usapin sa pangangasiwa ng Aduana.

Sa ilalim ng pamumuno ni Customs Commissioner Rey Leonardo Guerrero, marami na ang isinagawang pagbabago para sa lalo pang gumanda ang koleksyon at makasabay sa pandaigdigang kalakalan.

Dahil dito, na tumatanggap at napopromote ang BOC ng mga personnel upang mapunuan ang kakulangan ng mga tauhan sa ibat-ibang collection districts sa bansa.

Nauna nang tumanggap at nagpromote ng mga customs employees sa ilalim ng ibat-ibang groups and collection districts ang nanumpa kay Commissioner Guerrero.

Matatandaan noong Disyembre 20, 2019 ang mga opisyales ng Bureau of Customs ay nagkaroon ng Collectors Conference kung saan ay tinalakay ang BOC’s Action Plan for 2020.

Kaugnay nito, pinuri naman ni Guerrero ang mga collection district na lumagpas sa kani-kanilang mga collection target noong  2019. Joel O. Amongo

Read More

P.7-M LIQUID MARIJUANA NAKUMPISKA NG BOC

LIQUID MARIJUANA-3

Muling naka-iskor versus ilegal na droga

(Joel amongo)

MULING naka-iskor ang Bureau of Customs-Port of NAIA nang makumpiska ang  halos P700,000 halaga ng liquid marijuana na idinaan sa air cargo parcel na nalagay sa iba’t ibang warehouses sa Ninoy Aquino International Airport sa Pasay noong Lunes.

Umabot sa 11 packages ang na may 330 cartridges ang nadiskubre ng customs personnel sa pakikipagtulungan ng Philippine Drug Enforcement Agency (PDEA) at Customs Anti-Illegal Drugs Task Force (CAIDTF)..

Nasa pangangalaga na ng PDEA ang cartridges ng liquid marijuana para sa kaukulang imbestigasyon kaugnay sa importer at consignee ng kontrabando.

Ayon sa BOC, ang importasyon ng ‘Hemspeed’ at ‘Cannibidoil’ ay ilegal kaya kinumpiska ang packages na isang paglabag sa probisyon ng RA 9165 o ‘The Comprehensive Dangerous Drugs Act of 2002’ at RA 10853 o ‘The Customs Modernization and Tariff Act (CMTA).

Noong Enero 5, 2020, nasabat ng BOC-NAIA ang P200,000 halaga ng kush weeds at liquid marijuana sa Central Mail Exchange Center (CMEC) sa Pasay City.

Nakadeklarang isang pares ng sapatos at tsokolate ang laman ng parcel subalit nang isailalim sa eksaminasyon ay natuklasang apat na pakete ng hinihinalang kush weeds at 10 cartridge ng liquid marijuana.

Nabatid na ang parcel na ilegal na droga ang nakalagay ay naka-consigned sa isang indibidwal na mula sa Sampaloc, Manila.

Siniyasat ng BOC ang parcel matapos may maamoy na kakaiba sa nasabing padala. Iyon ang kauna-unahang huli sa taong 2020.

Read More

P1-B PEKENG SIGARILYO NAKUMPISKA NG BOC

PEKENG SIGARILYO-3

UMABOT sa P1 bilyon ang halaga ng mga pekeng cigarilyo ang nakumpiska ng mga tauhan ng Bureau of Customs (BOC_ Enforcement and Security Services (BOC-ESS) habang nasa 20 Chinese ang naaresto sa isinagawang pagsalakay sa isang bodega sa Nueva Ecija noong Sabado.

Armado ng Letter of Authority (LOA) na pirmado ni Customs Commissioner Rey Leonardo Guerrero, sinalakay ng BOC-ESS ang target na bodegang pagawaan ng pekeng sigarilyo.

Kasama ng nasabing tanggapan ng BOC ang Cabiao Municipal Police Station, Criminal Investigation and Detection Group Region 3, Regional Mobile Force Battalion Region 3 at opisyales ng barangay nang salakayin ang bodega na nakumpiskahan ng 3 kahon ng pekeng stamp ng Bureau of Internal Revenue (BIR), iba’t ibang makina sa paggawa ng sigarilyo at filter, isang mixer, isang dryer at mga kagamitan sa paggawa ng pekeng sigarilyo.

Maliban sa 20 Chinese na pawang empleyado ng pagawaan, may 100 empleyadong PInoy ang inaresto ng mga awtoridad.

Kasalukuyang nagsasagawa ng imbentaryo ng mga nasabat na produkto ang BOC-ESS upang maihanda ang kaukulang kaso laban sa mga sangkot sa paglabag sa batas na may kaugnayan sa Customs Modernization and Tariff Act (CMTA). (Joel Amongo)

Read More

BOC PORT OF CEBU HANDA NGAYONG 2020

BOC-PORT OF CEBU

TINIYAK ng Bureau of Custom (BOC) Port of Cebu na handang-handa sila sa muling pagsabak sa trabaho sa buong taon ng 2020.

Ito ang paniniyak ng mga opisyal at tauhan ng BOC Port of Cebu sa kanilang hepe na si District Collector Atty. Charlito Martin Mendoza sa kanila Monday Flag Raising noong nakaraang linggo.

“Your customs officers and men are more than ready and very much willing to serve you this fiscal year”, ayon pa kay Mendoza.

Noong nakaraang Enero 6, 2020 ay pinangunahan ni Mendoza  ang New Year’s call kung saan buong puso ang inihayag  na suporta sa kanya at sa tanggapan ng mga opisyal at empleyado ng BOC Port of Cebu.

Binigyang diin naman ni Mendoza na kailangan ng kanilang tanggapan ang kooperasyon at pagkakaisa ng lahat ng personnel upang maabot ng BOC Port of Cebu ang kanilang goal sa taong 2020.

Matatandaang noong Enero 10, 2020, bilang bahagi ng kanilang trade facilitation efforts, nakipag-usap si Mendoza sa pangunahing port stakeholders kung saa  kasama niya si Acting Deputy Collector for Assessment Atty. Lemuel Erwin Romero.

Layon ng dayalogo na mas palakasin pa ang ekonomiya ng bansa at ang kita ng BOC.

Kabilang sa mga dumalo ay kinatawan mula sa Therma Visayas, Mabuhay Filcement Corporation, PhilGold, Processing and Refining Corp., Chioson Development Corp., Kepco SPC Power Corp., Apo Cement Corp., Cebu Energy Development Corp., Taiheiyo Cement Corp., Ecossential Foods Corp., at Cagayan Corn Products Corp. (Joel O. Amongo)

Read More

START STRONG PORT OF NAIA

BOC-NAIA-3

BAGAMAN malaki ang naging epekto ng pag-alburuto ng Bulkang Taal sa Bureau of Customs (BoC), tiniyak ng mga opisyal ng Port of Ninoy Aquino International Airport na lalo pa nilang palalakasin ang kanilang koleksyon para sa taong 2020.

Kaya naman sa kanilang pagpupulong, naging slogan ng BOC-NAIA ang “Start Strong Port of NAIA.”

Upang maging maayos ang palakad sa nasabing tanggapan, pinangunahan ni Port of NAIA District Collector Carmelita Talusan ang orientasyon ng mga bagong personnel kabilang ang tatlong abogado at 47 security guards kung saan tinalakay at binigyang diin ang kahalagahan ng mandato ng revenue collection, border protection at government service.

“I am proud of all the achievements we all did last year  and let us all look forward to an even more impressive and remarkable achievements this 2020,” ayon kay Talusan.

Bilang tugon naman sa mga usaping nilinaw sa kanila ni Talusan, nangako naman ang mga dati at bagong empleyado na mas paghuhusayin pa nila ang kanilang trabaho sa pamamagitan nang pagprotekta sa bansa laban sa mga ilegal na kargamento nan ais mapalusot sa pambansang paliparan.

Matatanadaang noong 2019, naipagmalaki ang magandang performance ng Port of NAIA kung saan nakapagtala sila ng 61 drug seizure dahil sa hardworking team, nakapagligtas ng 3, 084 wildlife species, nakakumpiska ng 42,000 kilos ng karneng hinihinalang apektado ng African Swine Flu.

Nakakumpiska rin ang nasabing puerto ng dalawang eroplano , 10 imported pistol at 97 firearms parts at smuggled  na bala. (Joel O. Amongo)

Read More

MAGANDANG UGNAYAN SA STAKEHOLDERS SUSI SA MATAAS NA KOLEKSYON

District Collector Maritess Martin

SUNOD-SUNOD ang isinagawang meeting ni Bureau of Customs (BOC) Port of Subic District Collector Maritess Martin sa mga stakeholders sa puerto sa pagpasok ng taong 2020.

Sinabi ni Martin, layon ng kanyang halos linggo-linggong pakikipagpulong sa mga negosyante ay upang mas lalong mapaganda at mapatatag ang koleksyon para sa kasalukuyang taon.

Kabilang sa mga nakausap n ani Martin ay sina  Henry Dungca ng SBITC,  Luz De Guia ng  Keihin at Resty Zapanta  ng Prime Global.

Maging ang mga kinatawan ng iba’t ibang Philippine Economic Zone Authority (PEZA) na kinabibilangan nina Primitivo Napenas (PEZA-Hermosa), Allan Datahan (PEZA-Baguio) at  Sally Carpio (PEZA-Subic)  at pawang nakapulong n ani Martin.

Ayon kay Martin, ang susi sa matagumpay na koleksyon ay ang pakikipag-ugnayan sa stakeholders upang malaman kung nasisiyahan ba sila sa serbisyong ibinibigay ng Puerto at mga kawani nito.

Kapag nagkakaintindihan, paliwanag ni Martin, tiyak na magkakaroon ng pagtutulungan sa ikagaganda ng kalakaran sa kagawaran.

Ang Port of Subic ay isa sa  may malaking mag-ambag  ng kita sa kabuuang koleksyon ng BOC. (Jo Calim)

Read More

BOC APEKTADO NG BULKANG TAAL

FLIGHTS CANCEL

Flights kanselado, kalakal naantala

(Ni JO CALIM)

MATAPOS magbuga ang nag-alburutong Bulkang Taal ng napakaraming abo na mapanganib sa mga eroplanong aalis at darating sa Ninoy Aquino International Airport (NAIA), nagpalabas ng “Flight Advisory No. 2” ang Manila International Airport Authority (MIAA) noong Lunes, Enero 13, 2020.

Laman ng flight advisory No. 2 na ipinalabas bandang alas-2:30 ng hapon ang pagkansela ng mga biyahe ng iba’t ibang airlines na nakikisilong sa NAIA at sumasailalim ang ilang transaksiyon sa MIAA.

Ang mga nagkansela ng kanilang biyahe sa local flights ay ang Philippine Airlines, Cebu Pacific at Air Asia.

Habang nagkansela rin ng International Flights ang nasabing mga airlines kasama ang Cathay Pacific, Delta Airlines, Malaysian Airlines, Oman Air, China Southern Airlines, Nippon Airways, China Airlines at China Eastern Airlines.

Umabot sa 252 ang kabuang flights ng iba’t ibang airlines ang kinansela dahil sa mga abong ibinuga ng Bulkang Taal na nag-alburuto noong Linggo ng hapon.

Bunga ng kanselasyon ng mga flights, maraming pasahero ang naapektuhan.

Maging ang mga kalakal  na katulad ng  mga pasahero ay naantala rin kung kaya’t magiging malaking epekto ito sa ay naapektuhan lalo nainaasahan na magkakaroon ito ng mala­king epekto sa Bureau of Customs-Ninoy Aquino International Airport.

Gayunman, positibo pa rin ang tingin ng Port of NAIA sa pangayayari at sinabi ng opisyales at tauhan ng nasabing port na dodoblehin nila ang sipag sa trabaho upang makabawi.

Read More