‘Huwag kayong mag-alala, okey ang Dad ko’–Dodot Jaworski

0

NOONG Sabado, ika-75 anibersaryo ng kauna-unahang selyong inilabas ng Philippine Postal Corp. noong 1946, si basketball “Living Legend” Robert Jaworski ay pinarangalan bilang una sa 10 bayani ng bansa sa binigyan ng pagpupugay sa pamamagitan ng pagtatampok sa walo niyang larawan sa Philpost stamps bilang manlalaro ng sport na pinakapaborito ng sambayanang Pilipino.

Si Postmaster General at Philippine Postal CEO Norman Fulgencio, kilalang “super fan” ni “Sonny” o “Jawo” o “Big J” sa kanyang mga kaibigan at fans, ang nanguna sa seremonyang idinaos sa harap ng Post Office sa Liwasang Bonifacio, Maynila na dinaluhan ng anak ng dating player at coach ng Ginebra na si Robert “Dodot” Jaworski, na dati ring player ng koponan at kabiyak ni sportswoman at ngayo’y International Olympic Committee (IOC) member Mikee Cojuangco-Jaworski.

Hindi nakarating si ex-Sen. Sonny na kasalukuyang nagpapagaling sa isang karamdaman na ayon sa pamilya ay wala pang nakikitang lunas.

Napapanahon ang parangal, ayon kay Fulgencio, sa dahilang noong nakaraang Marso ay ika-75 taon din ng kapanganakan ng Living Legend na kumatha ng ilang legislative landmarks tulad ng Athletes and Coaches Law at Philippine Sports Hall of Fame Law.

Inimbitahan din sa programa sina PBA Commissioner Willie Marcial, PSC commissioner Ramon Fernandez, at kasalukuyang Gin Kings na sina L.A. Tenorio, Stanley Pringle, Scottie Thompson, Japeth Aguilar at Mark Caguioa.

Inanyayahan din ang kabiyak ni Dodot na si Mikee, ngunit madalian siyang umalis noong Biyernes upang dumalo sa mahalagang pulong ng IOC kung saan siya ang kauna-unahang Pilipinong miyembro ng Executive Board.

Ayon kay Bingle Chiudian ng Philpost, ang mga Jaworski stamps ay simula ng serye ng tribute sa 10 maalamat na Pilipino mula sa iba’t ibang larangan kabilang ang sports, theater, fashion at technology.

“This is the initial salvo. We are grateful to Mrs. Evelyn Jaworski and the family for providing the photos that were used in the design of the stamps. The stamps were designed by creative director Rodine Teodoro with Ryman Albuladora as layout artist,” paliwanag ng opisyal.

“Napakalaking karangalan para sa aking ama na mapili ng PhilPost na makasama sa mga binigyan ng pagpupugay sa paglabas ng mga special stamp,” pahayag ni Dodot. “This great honor is testament to all the years my Dad has devoted to his love of the game, his impact on sports in our country and the appreciation of fans who have joined him in his life’s journey.”

Ang pagkakasakit ng dating mambabatas ay lumikha ng kung ano-anong usapan mula noong ito ay mapabalita mahigit isang taon na ang nakalilipas, noong siya ay bumiyahe sa Amerika upang bisitahin ang ilang negosyo ng pamilya sa Los Angeles. Mayroong mga lumabas na tsismis na may cancer siya at may kumalat pang nagka-COVID siya.

Lahat ng mga ito ay pinasinungalingan ni Dodot, kandidato sa pagka-vice mayor ng Pasig City, nang makausap ng SALA SA INIT… SALA SA LAMIG. Sa pangkalahatan, ang kalusugan ng kanyang ama ay inilarawan niya na “alright although not stellar”.

Siniguro din ni Dodot sa mga tagahanga ni Big J na walang cancer ang kanyang ama, walang leukemia, “and his heart is great.” Si Jawo aniya, “suffers from a blood disorder that is causing a very slow and delayed recovery.” Ang mas magandang balita, walang cancer o non-life threatening illness ang kanyang ama.

“He has excessively elevated ferritin (a protein that contains iron) levels but is still anemic,” ayon pa kay Dodot. “He still doesn’t have his old strength back. So we’re hoping and praying that he recovers soon.”

Dagdag pa niya: “Praise God, his heart is strong. He has experienced difficulty in regaining his strength, weight and normal well-being… despite this, he is making good progress and is slowly moving forward.”

Read More

PILIPINAS 3×3 INVITATIONAL TOURNEY SA PAMPANGA

0

MAGSASAGAWA ang Chooks-to-Go Pilipinas 3×3 ng one-day invitational tournament sa Miyerkoles sa Laus Events Center sa San Fernando, Pampanga.

Kabuuang 12 koponan ang sasabak sa torneo sa pagtataguyod ng TM, na pasilip sa bagong season ng local 3×3 tournament at may basbas ng IATF at Games and Amusements Board.

Huling lumarga ang 3×3 President’s Cup noong Oktubre 2000 sa bubble sa Inspire Sports Academy sa Calamba, Laguna.

Ayon kay league ­owner Ronald Masca­riñas, malaking tulong ang pagsasagawa ng sports para manumbalik ang matatag na katauhan ng Pilipino na mahabang panahon ding nagtiis dulot ng pandemya.

“The (COVID-19) pandemic has really affected our goal of garnering valuable FIBA 3×3 points for the country in our dream of qualifying for the 2024 Paris Olympics,” pag-amin ni league owner Ronald Mascariñas.

“For us to re-ignite the fire of our ­stakeholders and team owners, we organized this one-day tournament which has no entry fee. It’s about time 3×3 basketball returns,” dagdag niya.

Kabilang sa 12 koponang magpapartisipa ang HeiHei Manila, Pacquiao Coffee Bacolod, BRT ­Sumisip Basilan, Homegrown Grains Bocaue, AMACOR Mandaluyong,

RBR Cabiao Nueva Ecija, Pasig Kingpins, Adam Esli Pasay, MNL Kingpin Que­zon City, Essen Immuno­boost Sarangani, Zam­boanga Valientes at ARQ Builders Cebu.

Pinapayagan ang mga koponan na mag­karoon ng foreign reinforcements sa torneo na may nakalaang P100,000 sa kampeon, at P50,000 at P20,000, sa runners-up.

Read More

WEIGHTLIFTING-INSPIRED, ENGAGEMENT RING NI DIAZ

0

NAALIW ang mga netizen sa weightlifting-inspired engagement ring ni 2020 +1 Tokyo Olympics gold medalist Hidilyn Diaz.

Nitong Sabado ay inanunsyo ng 30-anyos at tinaguriang ‘Pinay Weightlifting Fairy’ ang engagement sa kanyang personal coach na si Julius Naranjo.

Ibinahagi ng Manila ­Diamond Studio sa kanilang Instagram ang barbell-shape designed ­diamond stone na engagement ring ni Diaz.

“Philippine first Olympic gold medalist, Hidilyn ­Diaz’s engagement ring, was inspired by @hidilyndiaz ‘s love, strength, and passion. In collaboration with coach @imjulius, we brought life to what could be the perfect ring for her. Another gold for our champ!” caption post ng Manila Diamond.

Sa FB account naman ng Zamboangeña weightlifter ay hindi nito itinago ang kanyang kaligayahan sa marriage proposal ng ­fiance. “May birthday raw kaya nasa Vubble Dinner kami dito sa @sheratonmanila kaya triple date kami ni @missizacalzado at @laraquigaman saka may despidida party raw before kami aalis ng Malaysia kaya naman nagvlog pa ko, nagpapicture, at nagpacute pa ko. ‘Yun pala magpropose na!”

Dagdag ni Diaz: “Kudos kay @imjulius ‘di nasabi ­sa’kin at nasekreto niya (‘di kasi magaling magsorpresa) pero gumaling dahil kina @iamnoelferrer @resortsworldmanila @sheratonmanila @maniladiamondstudio @roannebeltran @jhonnymorte.”

Samantala, bumalik sa Malaysia sina Diaz at Naranjo upang makapaghanda sa 2021 ­International Weightlifting Federation (IWF) World Championships sa Disyembre 7-17 sa Tashkent, Uzbekistan. (ANN ENCARNACION)

Read More

FIL-AM, NEWEST GILAS PLAYER

0

Ni ANN ENCARNACION

ISANG Filipino-American sa katauhan ni Travis Roberts ang pinakabagong adisyon sa Gilas Pilipinas.

Nagdesisyon ang Samahang Basketbol ng Pilipinas na isama ang 6-foot-7 hoopster para sa dagdag taas at talento sa national team, lalo sa kampanya sa iho-host ng bansa na 2023 FIBA World Cup.

Kinumpirma mismo ng Fil-Am Nation Select ang desisyon ni Roberts, nakatakdang maglaro sa Jackson­ville State University, na mapabilang sa Gilas squad.

Dual citizenship holder si Roberts na asam makapaglaro para sa national men’s team na kinabibilangan din ng young ­players na sina Dwight Ramos, ­Angelo Kuame, SJ Belangel at RJ Abarrientos.

Ilang Filipino-American players pa ang nagpahayag ng kanilang pagnanais na makasama sa Gilas Pilipinas na nakatakdang sumabak sa FIBA World Cup Qualifiers.

Maliban sa World Cup, nagpeprepara din ang national squad para sa 31st Southeast Asian Games (SEA) Games sa Vietnam sa susunod na taon, at Asian Games sa Hangzhoua sa 2023.

Read More

SERBIAN TEAM ‘DI NAIAHON NI ANIMAM

0

Ni VT ROMANO

SOLIDONG performance na naman ang ipinamalas ni Pinay dribbler Jack Animam sa pagpapatuloy ng aksyon sa First Women’s Basketball League of Serbia, ngunit kinapos ang Radnicki Kragujevac sa dulo tungo sa 86-63 loss sa kamay ng ZKK Kraljevo, Linggo ng umaga (Manila time) sa Kraljevo Sports Hall.

Ito ang ikalawang sunod na talo ng Radnicki sa torneo.

Hindi nagpaawat ang 22-anyos na si Animam, nang magpasabog ng 16 points at nine rebounds sa first half, bagama’t naghahabol ang kanyang koponan, 49-33 sa halftime.

Nagawang maibaba ng Radnicki ang deficit sa 10, 57-47 mula sa 14-8 run sa pagbubukas ng third period, subalit bumawi ng 13-3 blitz ang Kraljevo at isara ang nasabing quarter hawak ang 20-point lead, 70-50.

Sinikap ni Animam na buhayin ang kanyang tropa, nang maka-convert ng apat mula sa 13 points ng Radnicki sa payoff period, pero mas malakas ang resbak ng host Kraljevo.

Agad umabante ang Kraljevo, 31-16 matapos ang first period at mula roon hindi na nakarekober ang Radnicki.

May 37.7% (field) lang ang bisitang Radnicki, kung saan tanging si Animam ang bumuhat sa team. Habang ang Kraljevo ay nakagawa ng 54% shots at may 30 assists sa 34 field goals nito.

Nais sana ni Animam matulungan ang Radnicki na maingat mula sa 7-15 win-loss finish noong nakaraang season at tapusin ang elimination round sa top 4 teams at makakuha ng playoff spot.

Mula nang sumabak sa Serbia, pawang double-double output ang itinatala ni Animam, na sinimulan sa 20 points at 14 rebounds sa unang panalo kontra Proleter 023.

Sinundan ng 29 points at 12 boards laban sa reigning titleholder ZKK Crvena zvezda.

Muling sasabak ang Radnicki sa Oktubre 23 kontra Duga Sabac, 7-15 record din sa nakaraang season.

Read More

SMB-TNT DO-OR-DIE NA!

0

SADYANG walang tulak-kabigin sa tapatang Talk N’ Text at San Miguel Beer. Nitong Biyernes ay nakapwersa ng decider Game 7 ang SMB makaraang muling magwagi laban sa TNT, 103-90.

Dahil sa panalo ng Beermen ay nagtabla sila sa ikatlong pagkakataon ng Tropang Giga, sa Game 6 ng 2021 PBA Philippine Cup Semifinals sa Don Honorio Ventura State University gym sa Bacolor, Pampanga.

Nakaungos sa Game 1 ang TNT, ngunit agad bumawi ang SMB sa Game 2. Muling lumamang ng Tropang Giga sa Game 3, ngunit maagap na nakabalikwas ang Beermen sa Game 4.

Kinuha ng tropa ni coach Chot Reyes ang ikatlong panalo noong Miyerkoles, subalit Biyernes ay itinablang muli ng mga bata ni coach Leo Austria ang serye sa 3-3.

Muling bumida para sa Beermen si big man Mo Tautuaa na umiskor ng team-high 24 points sa Game 6.

Bumawi naman si Marcio Lassiter sa kanyang disappointing Game 5 performance at kumamada ng 19 puntos kabilang ang three consecutive triples sa first quarter nq nagbigay sa SMB ng double digit lead, 14-4, at mula rito ay hindi na nakahabol ang TNT.

Read More

WORLD TITLE DEDEPENSAHAN NI YULO

0

PUNTIRYA ni 2020 +1 Tokyo Olympian Carlos Yulo na mapanatili ang kanyang paghahari sa floor exercise sa 50th FIG Artistic Gymnastics World Championships.

Nasa Kitakyushu, Japan si Yulo at puspusang naghahanda sa naturang torneo na gaganapin ang qualification round at all-around apparatus finals sa Oktubre 18-24.

Wagi ang Pinoy gymnast sa floor exercise noong 2019 World Championships sa Germany, kaya asam niya na ma-panatili ang kanyang titulo.

Matapos ang kabiguan sa nakaraang Tokyo Games, agad bumawi si Yulo noong nakaraang buwan at nakapagbulsa ng isang ginto at isang tansong medalya sa 2021 All Japan Senior and Masters Gymnastics Championships sa Yamagata, Japan.

Naka-gold siya sa paborito niyang floor ­exercise nang magtala ng 15.300 score, at bronze sa vault event makaraang makakuha ng 15.000 score. (ANN ENCARNACION)

Read More

3rd WIN ASAM NINA THIRDY, KOBE BALITANG B.LEAGUE

0

Ni ANN ENCARNACION

 

KAPWA target nina Thirdy Ravena at  San-En Neo­Phoenix at Kobe Paras at Niigata Albirex BB ang ikatlong panalo ng kanilang teams ngayong Sabado sa 2021-22 B.League.

Maghaharap ang Neo-Phoenix, may 2-2 win-loss record, at Hiroshima Dragonflies (3-1), 12:05 ng tanghali.

Habang makakasagupa ng Albirex BB (2-2) ang ­Levanga Hokkaido (0-4), ganap na 1:05pm.

Matatandaang nagkaroon ng back-to-back games ang teams ng magkaibigang Ravena at Paras noong nakaraang linggo kung kailan nagtabla sila sa 1-1 panalo-talo.

Read More

PBA LEGEND MAY KAKAIBANG SAKIT

0

Ni ANN ENCARNACION

MAYROONG kakaibang sakit ang tinaguriang “Living ­Legend” ng PBA na si Robert Jaworski.

Sa pahayag ni Dr. Edwin Bien, isang integrated medicine practitioner, maaaring may ‘high ferritin disorder’ ang ­dating basketball player-coach, na nagpasikat din ng “never-say-die” mantra ng Barangay Ginebra.

Inamin ni Bien, ang kanyang obserbasyon ay base lang sa naging pahayag kamakailan ng dati ring basketball player na anak ni Jaworski na si Dodot Jr.

“Iron level is high, but at the same time anemic siya,” ang sabi ni Dodot kay Randy ­Caluag ng Manila Standard.

“We’ve been trying to look for doctors here and abroad, but none of them can understand kung ano ‘yung nangyayari sa kanya,” pahayag naman nito kay Anthony Taberna sa Youtube channel ng huli.

Paliwanag ni Bien, ang ‘high ferritin disorder’ ay kadalasang resulta ng maramihang pag-inom ng alcohol. At dahil kilalang hindi alcohol drinker si Jaworski, maaaring may ibang dahilan ang kanyang sakit, na mas nakababahala. “Ang mahirap, if the cause is due to other conditions like genetics, leukemia, lymphoma or thyroid disorder.”

Ayon sa Mayo Clinic: “A ferritin test helps your doctor understand how much iron your body stores. If a ferritin test reveals that your blood ferritin level is lower than normal, it indicates your body’s iron stores are low and you have iron deficiency. As a result, you could be anemic.”

Sinabi ni Dodot, kandidatong vice mayor ng Pasig sa 2022 elections, ang kanyang 75-anyos na amang nakatakdang maluklok sa Hall of Fame ng Philippine sports ay nasa maayos na kundisyon kumpara noong mga nakaraang taon. Ngunit humiling siya ng dasal sa lahat para sa tuluyang paggaling ng “Living Legend.”

Read More