NAKIKINABANG BA ANG GOVT SA SMUGGLED ITEMS?

0

IMBESTIGAHAN NATIN NI LUCAS CASTIGADOR

MAY mga taong nagtatanong sa Imbestigahan Natin kung may pakinabang daw ba ang gobyerno sa mga nakukumpiska ng Bureau of Customs (BOC) na smuggled items na pumapasok sa bansa.

Ang pagkakaalam ng Imbestigahan Natin, depende sa kalakal na nahuhuli ng BOC, sa pamamagitan ng labingpitong district collection units sa buong bansa.

Kung tulad ng mga pekeng sigarilyo, pekeng bags, shoes at pagkaing posibleng kontaminado ng bakterya ay walang pakinabang ang gobyerno rito.

Sa halip, gumagastos ang gobyerno sa pagdurog, o pagwasak, sa mga ito.

Ang mga kalakal na ito kapag klaro na ang usapin at napatunayang walang mga dokumento na ipinasok sa bansa ay isinasailalim ang mga ito sa kondemnasyon, o winawasak, ng gobyerno upang hindi na mapakinabangan ng mga tao.

Hindi naman lahat ng mga sasakyan na nakukumpiska ng BOC ay sinisira.

Ang iba rito ay idino-donate sa ilang ahensya ng gob­yerno tulad ng Philippine National Police (PNP) para gawin nilang service vehicle.

Maraming beses na ring nag-donate ang BOC sa Department of Education (DepEd) ng gadgets tulad ng cellphones, tablets at laptops, lalo na nitong nagsimula ang COVID – 19 na nangailangan ng gadgets ang mga estud­yante dahil sa online classes na ipinatupad sa buong bansa.

Ang ilang ukay-ukay na nakukumpiska ng BOC ay idino-donate sa mga naapektuhan mga kalamidad sa bansa.

Kaysa nga naman wasakin, mas makabubuting mabigyan ng mga damit ang mga tao na tinatamaan ng mga bagyo taun-taon.

Mahigpit namang ipinagbabawal ang pagkain ng mga smuggled na karneng baboy na posibleng kontaminado ng African Swine Fever (ASF).

Layunin ng gobyerno na hindi na kumalat ang dalang virus ng mga baboy na ipapasok sa bansa.

Isinasailalim naman sa auction ang ilang container na naglalaman ng iba’t ibang items para makakuha ng karagdagang pondo ang gobyerno mula rito.

Ang mga nakukumpiskang wild live animals ay itinu-turn over ng BOC sa Department of Environment and Natural Resources (DENR) para pangalagaan ang mga ito.

Ang hakbang na ito na pagdispatsa ng mga kumpiskadong smuggled item na ginagawa ng BOC ay nakabatay sa Customs Laws.

Doon sa mga tanong na may pakinabang ba ang gob­yerno sa smuggled items, mayroon.

Kaso, kakaunti lamang.

Hindi katulad ng legal importation ng mga kalakal na malaking tulong sa gobyerno at maging sa mga negos­yante.

Kaya nga lang alaws sa smuggler at sa kasabwat nitong mga tiwaling empleyado ng gobyerno.

Nganga!

Sa smuggling kasi, ang kinikita dito ay napupunta lang sa bulsa ng mga tiwaling tao.

Piniperwisyo rin nito ang mga nagnenegosyo nang legal sa Pilipinas.

Hindi sila lumalaban nang parehas, gusto nila lagi silang lamang.

Apektado rin ng smuggling ang mga local producer tulad ng mga smuggled na karneng baboy, baka, gulay, bigas, asukal at prutas na sapul nito ang mga magsasaka.

Mas malaking perwisyo ang dulot ng smuggled items kaysa naitutulong nito.

Maging sa mga magsasaka man at sa gobyerno.

Nakaiiwas kasi ang mga nasa likod nitong smugglers sa duties at taxes na dapat nilang babayaran sa pamahalaan.

oOo

Para sa sumbong, mag-email sa: operarioj45@gmail.com at magtext sa cel# 0919-259-59-07

Read More

P9.9-M KOLEKSYON NG BOC-XIP

0

IKINATUWA ng pamunuan ng Bureau of Customs (BOC) ang magandang nagawa ng X-ray Inspection Project (XIP) dahil nakakolekta ito ng P9.9 milyon.

Ayon sa ulat, ang P9,947,027.01 karagdagang taxes at duties mula Enero hanggang Hunyo ng kasalukuyang taon.

Naganap ang magandang koleksyon dahil sa “continuous drive to intensify its operational performance through enhanced trade facilitation, improved revenue collection, and strengthened border protection, the X-ray Inspection Project (XIP) generated significant impacts to the performance of the Bureau”.

Mula Enero hanggang Hunyo, pumalo sa 380,037 containers ang nasiyasat ng XIP na nagresulta sa pag-angat na +197% scanning rate kumpara sa nagawa sa parehong haba ng panahon noong nakalipas na taon.

Umabot lang sa 193,138 scanned containers ang nagawa ng XIP mula Ene­ro hanggang Hunyo noong 2020.

Dahil sa paggamit ng 124 x-ray machines, nagkaroon ng P9,947,027.01 karagdagang rebenyu ang BOC.

“The rapid and effective screening of containerized shipments with minimum interruption to the movement of goods inside the ports while ensuring maximum threat detection is an indication of the intensified non-intrusive capabilities of the Bureau of Customs through modernized scanning equipment”, pahayag ng BOC.

“Moreover, the advanced scanning technologies in the port did not only boost the performance of the Bureau under its mandate, but also increase the entire port operation’s resilience and adaptabili­ty in times of operational disruption. The Bureau of Customs, through the X-ray Inspection Project, ensures the public that it will continue to work on further improving its scanning capability to continuously minimize unnecessary delays in trade, collect appropriate revenue for the government, and further intensify border security in support to the country’s rehabilitation process”, susog ng BOC.

Read More

P37.37-B KINITA SA FUEL MARKING PROGRAM

0

UMAATIKABONG palakpakan ang dumagundong sa apat na sulok ng Bureau of Customs (BOC) dahil kumita ng P37.37 bilyon ang “fuel marking program” ng ahensiya para sa ikalawang kwarter ng taon.

Ang bilyun-bilyong rebenyu ay resulta ng 4.16 bilyong litro ng produktong petrolyo.

Idiniin ng BOC sa press statement nito na: “the Bureau of Customs (BOC) continuously implements its mandate to mark fully paid imported petroleum products under the Fuel Mar­king Program, a total of 4,157,638,726 liters of kerosene, diesel and gasoline were marked for the 2nd Quarter of 2021 equivalent to P37.37 billion in taxes collected”.

Nakasaad sa rekord na para ngayong taon, nakapagtala ang ahensiya ng 8.35 bilyong litro ng langis na ang halaga ay P74.72 bilyong buwis.

Ipinaliwanag ng ahensiya na ang “Fuel Marking Program aims to raise revenues while curbing fuel smuggling and le­veling the Philippine oil industry’s playing field”.

Isinusog ng BOC na: “Beginning with its implementation in September 2019 to June 2021, the BOC and BIR already marked a total of 25.91 billion liters of fuel and have collected P252.22 billion in duties and taxes under the program”.

Naniniwala si Commissioner Rey Leonardo Guerrero na magpapatuloy ito sa mga susunod na kwarter ng taon.

Read More

Husay ng BOC-NAIA, CAIDTF at IADITG 2 TIMBOG SA P9.58-M ECSTASY

0

Ni JOEL O. AMONGO

ARESTADO sa mga tauhan ng Bureau of Customs – Port of NAIA (BOC-NAIA), Customs Anti-Illegal Drug Task Force (CAIDTF) at NAIA-Inter-agency Drug Interdiction Task Group (NAIA-IADITG) ang dalawang claimants ng 5,637 tablets ng ecstasy nitong Hulyo 12.

Ang nasabing “party drugs” ay P9.58 milyon ang halaga.

Ang claimants ay nakilalang sina Ma. Isabella Albano (consignee ng bagahe) at Jessica Muñoz.

Nakilala sila, sa pamamagitan ng kanilang mga identification cards.

Batay sa report, dakong 1:00 ng hapon noong Hulyo 12 nang maaresto ang dalawa ng pinagsamang mga elemento ng BOC-NAIA, CAIDTF at NAIA-IADITG.

Nakasaad sa rekord ng BOC, dumating ang mga bagaheng nagmula sa Neus, Germany sa NAIA noong Hunyo 28.

Idineklarang “children’s toys, Somer sandals, bag socks, pants, rainboots at birthday stock” ang nilalaman ng mga bagahe.

Ngunit, nadiskubreng ecstasy pala ang totoong laman ng mga bagahe nang isailalim ang mga ito sa non-intrusive x-ray scanning ng X-ray Inspection Project (XIP- NAIA) at ng K-9 sniffing procedure.

Sa 100% physical examination na isinagawa ng Customs examiner, ang mga bagahe ay natukoy na naglalaman ng 5,637 ecstasy tablets.

Dahil sa naganap, ina­sunto sina Albano at Muñoz ng paglabag ilang probisyon ng Republic Act 9165, o Comprehensive Dangerous Drugs Act of 2002, Seksiyon 1400 at 1401 ng Republic Act 10863 na may kaugnayan sa Seksiyon 119 ng parehong batas na kilala rin bilang Customs Modernization and Tariff Act (CMTA).

Malaking iskor sa kampanya ng BOC laban sa iligal na droga ang mahusay na operasyon ng BOC-NAIA, CAIDTF at NAIA-IADITG.

Read More

44 WILDLIFE SPECIES NASABAT NG BOC-NAIA

0
MAYROON na namang accomplishment ang Bureau of Customs – Port of NAIA (BOC – NAIA) – sa pagkakataong ito ay patungkol sa pagkakasabat nito ng ma­ling pagdedeklara ng 44 wildlife species.
Naganap ito sa Philpost Central Mail Exchange Center (CMEC) nitong Hunyo 30.
Ang mga nakumpiska ng BOC-NAIA ay 25 tarantulas, 12 spiderlings, 5 centipedes at 2 ornithoctonus black spiders.
Ang nasabing species ay may direct at indirect effect sa kalusugan ng tao, lalo na ang arthropods bite na sinasabing mapanganib sa tao.
Ang iba pang species ay nagdudulot naman ng matinding sakit ang kagat nito na posibleng humantong sa pagkamatay ng tao.
Ayon sa BOC, galing sa Thailand ang nakum­piska ng operatiba ng NAIA na naka-consign sa isang “Aldwin Capucae” ng Lungsod ng Pasay.
Ngunit, idineklarang “plastic teaching materials for university” ang nasabing mga hayop.
Ang kabiguan ng claimant na maiproseso sa loob ng reglementary period ay siyang naging dahilan ng pagkaka-abandona ng parcel na ang totoong laman pala ay ang 44 arthropods.
Tinatayang P500,000 ang halaga ng nasabing mga hayop.
Agad naman ipinasa ang mga ito sa Department of Environment and Natural Resources (DENR).
Ayon sa BOC-NAIA,  maghahain ito ng kaukulang kaso laban sa taong papadalan ng mga hayop dahil sa paglabag sa Republic Act 9147, mas kilala sa tawag na Wildlife Resources Conservation and
Protection Act, at Republic Act 10863, o ang Customs Modernization and Tariff Act (CMTA), partikular sa Seksiyon 117 na may kaugnayan sa Seksiyon 1113 at 1400 at mga alintuntuning may kaugnayan sa nasabing isyu.
 (Joel O. Amongo)
Read More

POC, POS NAGPALITAN NG KANILANG BEST PRACTICE

0
PINANGUNAHAN ng mga pinuno ng Port of Cebu (POC) at ng Port of Surigao (POS) ang pagbabahagian ng “best practice” sa lara­ngan ng Customs management at operation.
Sa isinagawang “Gover­nance Sharing” nitong Martes, sina POC District Collector Charlito Martin R. Mendoza at POS District Collector Jonah Herbert P. Dollano of the Port of Surigao ay nagbahagi ng kani-kanilang mga mensahe at paliwanag hinggil sa mga magagandang nagawa nila sa kani-kanilang nasasakupan.
Kapwa naniniwala sina Martinez at Dollano na “the platform provides   opportunity for both Ports to fill in their respective   operational know­ledge gaps and improve their processes through application of tested practices”.
“Our common aim is to make our processes faster and more efficient to save time and trouble addressing avoidable mistakes and develop effective solutions to better serve our stakeholders.
Through this forum, we hope to bring to the table insights on what we do best here in the Port of Cebu and likewise learn from the Port of Surigao its arsenal of best strategies on good governance”, paliwanag ni Mendoza.
Idiniin naman ni Dollano ang madalas na banggitin ni Customs Commissioner Rey Leo­nardo B. Guerrero na ang: “trade facilitation with enforcement and not trade facilitation with accommodation”.
Naniniwala ang punong opisyal sa Port of Surigao na kailangan ang kooperasyon ng lahat ng daungang pinangangasiwaan ng Bureau of Customs (BOC).
Read More

P542-M DAGDAG KITA NG BOC

0
NADAGDAGAN pa ng P542 milyon ang kita ng Bureau of Customs (BOC) ngayong kalagitnaan ng 2021 makaraang isagawa ang Post      Clearance Audit ng ahensiya.
Tinukoy naman ng Post Clearance Audit Group (PCAG) sa kanyang ulat sa Executive Committee Mee­ting ng BOC nitong nakalipas na buwan ang tungkol sa matagumpay na koleksyon mula Enero
hanggang Hun­yo ng taong kasalukuyan na pumalo sa P542,298,069.73.
Ayon sa PCAG, ang nagawang accomplishment ng BOC ay bahagi ng inisyung 152 Audit Notice Letters (ANL).
Isinusog pa ng PCAG na labis itong naniniwala na kikita pa ang BOC ng “more revenues from post clea­rance audits from 2019 and 2020”.
“Presently, there are 15 demand letters amounting to Php 7,625,567,484.70 billion which have become final and executory for fai­lure of the audited impor­ters to contest the same. These will be referred to the BOC Legal Service for filing of the necessary collection suit”, paliwanag ng BOC.
Idiniin ng PCAG ang natatanging kahalagahan ng “post clearance audit and the additional reve­nues that it generates especially as the nation recovers from the impact of COVID-19”.
(Joel O. Amongo)
Read More

P2-B PEKENG PRODUKTO WINASAK NG POM

0
Ni JOEL O. AMONGO
AABOT sa P2 bilyong halaga ng mga pekeng produkto ang winasak ng Bureau of Customs – Port of Manila (BOC-POM) sa Meycauayan, Bulacan nitong  Sabado.
Ang mga nasabing produkto ay resulta ng operasyon ng Intellectual Pro­perty Rights Division (IPRD) ng intelligence group ng BOC laban sa mga negos­yanteng gumawa ng pekeng produkto ng mga sikat na kum­panya.
Dinaluhan nina POM Deputy Collector for Operations, Atty. Liza Sebastian; Auction and Cargo Disposal Division Chief (ACDD), Atty Enrico Turingan III; Intellectual Property Rights Division (IPRD) Chief Dominic Garcia; mga miyembro ng Enforcement and Security Service (ESS); kinatawan ng National Committee on Intellectual Property Rights (NCIPR); at, kinatawan ng iba’t ibang kumpanya.
Idiniin ng liderato ng POM na ang BOC ay nakatuon sa paglaban at pagsugpo sa pagpasok ng mga pekeng produkto sa bansa alinsunod sa direktiba ni Customs Commissioner Rey Leonardo Guerrero.
Sa kabilang banda, nagbabala rin ito sa publiko na mag-ingat sa paggamit ng mga pekeng produkto dahil mayroon itong negatibong epekto sa kalusugan ng tao.
(Joel O. Amongo)
Read More

28TH-YR ANNIV NG BOC-SUBIC, MATAGUMPAY NA IPINAGDIWANG

0

MATAGUMPAY na idinaos ang ika-28 taong Foun­ding Anniversary ng Bureau of Customs – Port of Subic BOC-Subic) sa gitna ng pandemya ng coronavirus disease – 19 (COVID -19).

Sa pagdiriwang ng ani­bersaryo noong Hunyo 18, nagsagawa ng misa ng pasasalamat, sa paraang virtual, ang BOC-Subic.

Nagkaroon din ng donation drive sa Caritas Kindness Station of St.Columban Parish.

Naganap din ang paggawad ng mga plake at certificate bilang pagkilala sa “Top 20 Importers” ng unang kwarter ng 2021.

Nagpasalamat si BOC-Subic District Collector Maritess Martin sa lahat ng stakeholders para sa kanilang ‘di matatawarang suporta at kontribusyon sa nasabing daungan.

Kinilala rin ni Martin ang mga opisyal at kawani ng BOC-Subic, sa pamamagitan ng ganitong pahayag: “You all deserve a round of applause and commendation for all your laborious works and unconditional dedication. We have achieved tremendous growth all together. You’re creativity and enthusiasm can only be matched with unquenchable thirst for greater success”.

Binati at ipinaalala naman ni BOC Commissioner Rey Leonardo Guerrero ang magandang serbisyo at kahandaan ng BOC-Subic sa pagharap sa mga pagsubok na dulot ng COVID – 19. (Joel O. Amongo)

Read More