2 SHIPMENTS NG COVID-19 VACCINES AGAD PRINOSESO NG BOC-NAIA

0

Agad prinoseso at klinaro ng Bureau of Customs Port of NAIA ang dalawang shipments ng COVID-19 vaccines sa dalawang magkakasunod na mga araw ang mga bakuna na dumating sa bansa kama­kailan.

Unang dumating ang 1.5 million doses ng Sinovac vaccines, noong nakaraang Mayo 7, 2021, via Flight No. 5J 671 mula China at ang 2,030,400 doses ng AstraZeneca vaccines, na duma­ting naman noong Mayo 8, 2021, via Flight No. SQ 910 mula Netherlands.

Ang dalawang shipments ay isinailalim sa Customs pre-clearance processes bago pa man dumating at pinadali sa pamamagitan ng NAIA One Stop Shop.

Sa pagdating, ang COVID-19 vaccines ay agad inihatid na bantay sarado ng BOC Covax Special Hand­ling Team sa Pharmaserv Cold Storage Facility sa Marikina City.

Ang pagdating ng AstraZeneca vaccines dakong ala-1:00 ng hapon noong Mayo 8, 2021, Sabado ay sinaksihan nina Vaccine Czar Sec. Carlito Galvez Jr., Department of Health Sec. Francisco Duque III, Testing Czar Sec. Vince Dizon, U.S. Embassy Chargé d’Affaires John C. Law, U.S. Embassy Environment, Science, Technology and Health Officer Claire Bea, World Health Organization Rep. Dr. Rabindra Abeyasinghe, Unicef PH Rep. Oyunsaikhan Dendevnorov, United Nations Rep. Gustavo Gonzales, Usec. Robert Borje at BOC NAIA District Collector Carmelita Talusan.

Ang Bureau of Customs-NAIA sa pamumuno ni District Collector Carmelita Talusan, ay patuloy sa kanilang suporta sa government’s COVID-19 inoculation program.

Aktibo rin sila sa pakiki­pag-ugnayan sa Inter-Agency Task Force on Emerging Infectious Diseases (IATF) para sa epektibo at mahu­say na proseso, pagpapadali, pag-release, paghawak at paghahatid ng imported COVID-19 vaccines, medicines, at iba pang may kaugnayan na kalakal pati na rin ang patuloy na pagtulong sa pagpapabilis ng clearance ng lahat ng time-sensitive vaccines na dumarating sa bansa bilang pagsunod na rin sa direktiba ni Commissioner Rey Leonardo Guerrero. (Boy Anacta)

Read More

P316-M ILLEGAL GOODS HULI SA BOC

0

Aabot ng 316 milyong pisong (P316-M) halaga ng mga ilegal na kalakal ang nasabat ng Bureau of Customs’ (BOC) sa pinatin­ding anti-smuggling campaign.

Inilunsad ang operasyon ng BOC – Manila International Container Port’s (MICP) at ang Port of Manila’s (POM) Customs Intelligence and Investigation Service (CIIS) sa tulong ng Enforcement Group Enforcement and Security Service (EG-ESS).

Sa ilalim ng direktiba ng Customs Commissioner Rey Leonardo B. Guerrero, ang composite team ay nagtuloy sa iba’t ibang lokasyon na armado ng Letters of Authority (LOA).

Ang team ay nagtungo sa pag-inspeksyon ng iba’t ibang mga storage facilities na kung saan ay nagresulta sa pagkakadiskubre ng mga ilegal na kalakal at IP infringing items na may tinatayang kabuuang halagang Php 316 Million.

Ang unang team ay nagtungo sa isang storage facility na matatagpuan sa Navotas City at nadiskubre ang smuggled frozen meat, Peking duck at black duck.

Tinatayang nagkakaha­laga ng 16 milyong piso ang nasabing items.

Ang ikalawang team ay nag-operate at nag-inspek­syon sa storage facilities sa Pasay City at nadiskubre ang IP infringing clothing na may
iba’t ibang brand na tulad ng Nike, Lacoste, Jag, Louis Vuitton, Jordan, Crocs, Adidas, Havaianas, Disney, Frozen, Hello Kitty, Tribal,  Dickies, Mossimo, Levi’s, Petrol, Gap, Fila, Uniqlo, Lee, Puma, DC, at Marvel.

Ang nasabing items ay tinatayang may halagang Php 300 Million.

Ang naturang items ay kasalukuyan nang isinasa­ilalim sa inventory at investigation para sa posibleng paglabag sa Section 1400 ng RA 10863 o mas kilala bilang Customs Modernization and Tariff Act (CMTA) pati na rin sa iba pang may kaugnayan sa intellectual pro­­perty laws of the Philippines.

Sa kanyang pahayag sinabi ni BOC Commissioner Rey Leonardo B. Guerrero na ang Bureau ay patuloy sa pagpupursige laban sa mga walang prinsipyong grupo at indibidwal. Kaugnay nito, muling inulit ni Guerrero na ang BOC ay suportado ang lehitimong mga negosyo na nagbabayad ng tamang duties and taxes.

Bilang ang bansa ay patuloy na gamit patungo para makarekober ang ekonomiya, ang Bureau of Customs ay nananatili sa kanilang pangako sa pag-ganap ng kanilang border security duties and anti-smuggling campaign.
(Joel O. Amongo)

Read More

P7-M UKAY-UKAY HULI SA BOC-PORT OF ILOILO

0

Nasabat ng Bureau of Customs (BOC) – Port of Iloilo ang aabot sa pitong milyong (P7 million) secondhand goods o locally known bilang “ukay-ukay” sa isang warehouse facility na matatagpuan sa Brgy. Villamonte, Bacolod City.

Isang composite team sa pamumuno ni Port of Ilo­ilo’s Customs Intelligence and Investigation Service (CIIS) Field Station Chief Lot K. Abordo kasama ang Enforcement and Security Service – Customs Police Division (ESS-CPD) personnel at miyembro ng Customs Border Protection (CBP)- District VI Team.

At sa tulong na rin ng Philippine National Police (PNP) at mga opisyal ng Barangay Villamonte na nagsagawa ng inspeksyon sa storage facility sa pamamagitan ng nilagdaang Letter of Authority (LOA) mula kay BOC Commissioner Rey Leonardo B. Guerrero.

Nadiskubre ng team ang bales ng ukay-ukay na nag­lalaman ng shoes, bags, bed sheets at curtains.

Noong Mayo 4, 2021 si District Collector Ciriaco Ugay kasama ni Collecto­r Renevic Soliman ng Sub-Port of Pulupandan ay pina­ngunahan ang inventory ng nasabat na kalakal na isinagawa ng Customs Examiners Jessie Nallos at Samson Alonsagay II.

Agad naman na isinagawa ang paghahain ng mga kaso laban sa may-ari ng nasabing kalakal para sa paglabag sa RA 4653 na “prohibits the commercial importation of used clothing and rags to safeguard the health of the people and maintain the dignity of the nation.”

Ang BOC- Port of Iloilo sa ilalim ng pamumuno ni Collector Ugay ay nangako sa pagpupursige sa mandato ng Bureau sa pagprotekta ng hangganan ng bansa laban sa pagpasok sa ipinagbabawal na kalakal.
(Joel O. Amongo)

Read More

P38.1-M PEKENG YOSI SA BOC-PORT OF SUBIC

0

Ni JOEL O. AMONGO

Aabot ng 38.1 milyong piso ng misdeclared fake cigarettes ang nasabat ng Bureau of Customs – Port of Subic noong nakaraang Abril 23, 2021.

Ang shipment ay duma­ting sa Port of Subic mula China at idineklarang assorted textile.

Bago pa man ang filing of goods declaration, ang nasabing Port ay nag-isyu na ng Pre-Lodgement Control Order No. P/SUBIC/20210329-00003 laban sa subject shipment bilang pinaghihinalaang naglalaman ng mga pekeng sigaril­yo.

Matapos ang 100% examination na isinagawa ng nakatalagang examiner, ito ay natuklasang naglalaman ng maraming karton ng Fortune at Mighty brand cigarettes at iba’t ibang uri ng mga bagong damit.

Kaugnay nito, isang Warrant of Seizure and Detention (WSD) ang inisyu laban sa shipment para sa paglabag sa National Tobacco Administration (NTA) Memorandum Circular No. 03, series of 2004 at NTA Board resolution No. 079-2005 and Sec. 155 ng R.A. 8293 (Intellectual Property Code of the Philippines), na may kaugnayan sa Section 1113 (f) of Republic Act No. 10863 o mas kilala bilang Customs Modernization and Tariff Act (CMTA).

Ayon kay District Collector Maritess Martin, ang pagkakasabat ay resulta ng walang tigil na pagsisikap ng Port of Subic sa pagliligtas sa national borders laban sa mga ilegal na kalakal at iba pang pandaraya sa pamahalaan.

Sa kasalukuyan ang nasabing shipment ay kinum­piska pabor sa gobyerno at nakatakdang isailalim sa pagtatapon.

Read More

P150-M KALAKAL HULI SA BINONDO NG BOC-MICP

0

AABOT ng mahigit sa isang daang milyong piso (P150-M) ang iba’t ibang mga pekeng kalakal na nasabat ng Bureau of Customs sa pamamagitan ng Manila International Container Port’s Customs Intelligence and Investigation Service (CIIS) at Enforcement and Security Service (ESS) sa tulong din ng Philippine Coast Guard (PCG) sa Binondo, Maynila.

Armado ng isang Letter of Authority (LOA) na pirmado ni BOC Commissioner Rey Leonardo B. Guerrero, isinagawa ng composite team na binubuo ng MICP, CIIS, ESS at PCA na magsagawa ng operasyon at inspeksyon sa isang storage facility.

Sa nasabing isinagawang inspeksyon, tumambad ang iba’t ibang uri ng mga kalakal tulad ng cosmetic/beauty products, unregistered aidelai face masks, heng de face shields, IPR infringing clothing, toys, cellphone cases at mara­ming iba pa.

Ang nasabat na mga kalakal ay may tinatayang halagang hanggang Php 150 Million.

Agad na isinailalim sa inventory at imbestigasyon ang iba’t ibang mga kalakal upang malaman ang halaga at agad na ihanda ang kaso para sa paglabag sa Section 1400 of RA 10863 o mas kilala bilang Customs Mo­dernization Act (CMTA).

Kaugnay nito, muling inulit ng Bureau ang kahalagahan ng pagtitiyak ng “authenticity of items” lalo na para sa items na tulad ng face masks at iba pang Personal Protective Equipment (PPE).

Bilang simula ng pagbubukas ng ekonomiya ma­­tapos ipatupad ang Enhanced Community Qua­rantine (ECQ), ang MICP ay mananatili sa pangunguna ng border security at anti-smuggling sa ilalim ng patnubay ni BOC Commissioner Rey Leonardo B. Guerrero. (Joel O. Amongo)

Read More

20K IVERMECTIN TABLETS SABAT NG BOC-NAIA

0

Nasabat ng Bureau of Customs – Port of NAIA (BOC-NAIA) ang libo-libong gamot na IVERMECTIN at iba pang regulated drugs mula sa isang shipment na inimport ng Finstad Inc. mula sa New Delhi, India.

Ayon sa Customs examiner, ang nasabing mga gamot kasama ang kontrobersyal na Ivermectin ay nakalagay sa gitnang bahagi ng subject shipment at natatakpan ng iba pang deklaradong regulated items matapos isagawa ang 100% physical examination ng BOC-NAIA.

Ang nasabing mga kalakal ay idineklara bilang “Food Supplements, Multivitamins at Multi-Mineral Capsules”.

Ayon kay Director Jesusa Joyce N. Cirunay ng Center for Drug Regulation and Research ng Food and Drug Authority, ang Ivermectin sa kasalukuyan ay nasa ilalim pa lamang ng tinatawag na compassionate use sa ilang Specialized Institutions na may otorisasyon ng FDA sa pamamagitan ng Compassionate Special permit (CSP).

Pero mahigpit na ibinilin ni Director Cirunay, na wala pang inilalabas na otorisasyon ang FDA para sa anumang kumpanya na mag-import nito mula sa ibang mga bansa.

Bilang pagsunod sa direktiba ni Bureau of Customs Commissioner Rey Leonardo B. Guerrero, ang Bureau of Customs NAIA ay nananatili sa kanilang pinabilis na proseso at pag-release ng COVID-19 vaccines, drugs at iba pang medical supplies.

Subalit mahigpit din sila sa pagbabantay at pagpapalakas sa border security at protection para mawala ang lahat ng tangkang smuggling ng unregistered, undeclared goods and/or misdeclared goods na walang mga kaukulang clearance and permits mula sa FDA.
(Joel O. Amongo)

Read More

CALL CENTER HOTLINE SERVICE INILUNSAD NG BOC

0

Pormal nang inilunsad ng Bureau of Customs ang kanilang ipinagma­malaking Call Center Hotline sa pamamagitan ng isang partnership sa Digital Minds BPO Services Incorporated.

Ang partnership ay resulta ng tinatawag nilang ‘Bureau’s identification of some key areas in the present customer assistance set-up’ na nangangailangan ng mga pagbabago o improvement gaya ng call management, call monitoring, call storage, and IVR systems.

Ang Digital Minds BPO Services ay NAGA-based office na nagsisilbi sa Business Process Outsourcing para sa United States and Australia.

Ang BOC ay siyang pinakaunang government agency sa bansa na magbi­bigay ng mga ganitong uri ng serbisyo.

Sa pahayag ni BOC Commissioner Rey Leo­nardo B. Guerrero, sinabi niya na ang pagkuha ng isang 3rd Party Call Center ay hakbang na ang layunin ay pagandahin ang serbisyo para sa publiko.

Sa pamamagitan ng tu­long ng Digital Minds BPO Inc., ang Bureau magbibigay daan para sa reform, transform at perform.

Sa pagtutulungan ng BOC at Digital Minds BPO Services Inc, inaasahan na

malapit ng maabot ng BOC ang kanilang vision na maging isang World-Class ang kanilang serbisyo para sa mamamayan at para sa buong mundo. (Joel O. Amongo)

Read More

P20.37-M MISDECLARED YOSI SABAT SA BOC-POM

0

Ni JOEL O. AMONGO

Hindi nakalusot sa mga tauhan ng Bureau of Customs (BOC) Port of Manila (POM) ang isang 40-footer container na naglalaman ng mga smuggled na siga­rilyo na tinatayang may halagang 20.3 milyong pis­­o.

Ang nasabing shipment na nagmula sa China ay naka-consigned sa Micastar Consumer Goods Trading subalit ito ay ‘misdeclared’ dahil nang dumating ito sa sa BOC-POM ay deklarado ito bilang mga paper products.

Nang pigilan ng Office of the District Collector ang shipment para sa eksaminasyon, tumambad sa mga otoridad ang sandamakmak na mga sigarilyo.

Nauna rito, isinailalim na ng Customs Intelligence and Investigation Service ang naturang shipment sa isang alert order kung kaya nagsagawa ng 100% physical examination ang BOC sa naturang kargamento.

Sa isinagawang eksa­m­inasyon, lumalabas ang Fortune brand cigarettes na taliwas sa deklarasyon na nakalagay sa entry na nilag­daan ng consignee.

Kaugnay nito, agad na nag-isyu si POM District Collector Michael Angelo Vargas ng Warrant of Seizure and Detention laban sa shipment para sa paglabag sa Section 1400 “Misdeclaration, Misclassificatio­n, and

Undervaluation in Goods Dec­laration” na may kaugnayan sa Section 1113 “Property Subject Seizure and Forfeiture” ng Customs Modernization and Tariff Act (CMTA).

Sa pahayag ni District Collector Vargas sinabi niya ang pagkumpiska ng produkto ay bunga ng pinahusay na koordinasyon sa pagitan ng magkakaibang opisina ng Bureau, na kinabibilangan ng Port of Manila, Customs Intelligence and Investigation Services, X-ray Inspection Project, at Enforcement and Security Service (POM, CIIS, XIP, and ESS).

Ang BOC Port of Manila ay walang tigil na nagbabantay sa mga paglabag sa ilegal na kalakal at lahat ng uri ng smuggling. Nananatili rin sila sa matatag na seguridad sa hangganan ng bansa bilang pagsunod sa mahigpit na mandato ni Commissioner Rey Leonardo Guerrero.

Read More

BOC-PORT OF CEBU LUMAGPAS SA P147-M COLLECTION TARGET SA BUWAN NG MARSO

0

Hindi lang naabot kundi nalagpasan pa ng Bureau of Customs – Port of Cebu ang kanilang monthly collection target noong nakaraang buwan ng Marso.

Batay sa kanilang inilabas na ulat, nakapagtala sila ng collection noong March ng halagang aabot sa P2,979,255, 374.91.

Dahil dito, ay lagpas ng 147.129 milyong piso ang kabuuan ng kanilang koleksyon mula sa target lamang na P2.832 bilyong piso.

Katumbas ito ng 5.2 porsyentong increase sa kani­lang target noong buwan ng Marso.

Mas malaki rin ito ng di hamak sa kanilang nakolekta noong nakaraang March 2020.

Dahil dito, kinilala ng pamunuan ng BOC Port of Cebu ang tulong ng lahat ng kanilang stakeholders at masisipag nilang kalalakihan at kababaihan na nananatiling frontliners ng customs service sa kabila ng pandemya.

Kung kaya’t patuloy na nalampasan ng BOC-Port of Cebu ang kanilang monthly collection targets.

Ang Port of Cebu ay isa sa labing isa (11) sa labing pitong (17) District Collection sa iba’t ibang lugar sa bansa na nakapag-ambag kaya nalagpasan ng Bureau of Customs (BOC) ang kanilang month of April 2021 collection target. (Joel O. Amongo)

Read More