NEWS BREAK Archives - SAKSI NGAYON

Heightened restrictions sa GCQ patuloy BAWAL PA RING MAMASYAL

(CHRISTIAN DALE)

INAPRUBAHAN ni Pangulong Rodrigo Roa Duterte nitong Huwebes ang rekomendasyon ng Inter-Agency Task Force (IATF) na ilagay ang National Capital Region (NCR), Bulacan, Cavite, Laguna at Rizal sa ilalim ng general community quarantine (GCQ) subalit patuloy na iiral ang heightened restrictions mula Mayo 15 hanggang 31, 2021.

Isinailalim din sa GCQ status mula Mayo 15 hanggang 31, 2021, ang mga lugar sa ilalim ng Cordillera Administrative Region, gaya ng Apayao, Baguio City, Benguet, Kalinga, Mountain Province at Abra; Cagayan, Isabela, Nueva Vizcaya sa Region 2; Batangas at Quezon sa Region 4-A; Puerto Princesa sa Region 4-B; Iligan City sa Region 10; Davao City sa Region 11; at Lanao del Sur sa Bangsamoro Autonomous Region in Muslim Mindanao.

Ang City of Santiago at Quirino Province sa Region 2; Ifugao sa Cordillera Administrative Region; at Zamboanga City sa Region 9 ay isinailalim naman sa modified enhanced community quarantine (MECQ) mula Mayo 15 hanggang 31, 2021.

Ang iba pang lugar ay isinailalim sa modified general community quarantine (MGCQ) hanggang sa katapusan ng buwan.

Ukol naman sa heightened restrictions sa NCR Plus, tanging ang essential travel na papasok at lalabas ng NCR Plus ang papayagan.

Mananatili namang operational ang public transportation.

“At such capacities and protocols in accordance with the Department of Transportation guidelines while the use of active transportation shall be promoted,” ang utos ng IATF.

Bukod dito, ang lahat ng indoor dine-in services sa NCR Plus ay kailangan na hanggang 20% venue o seating capacity habang ang outdoor o al fresco dining ay hanggang 50% venue o seating capacity.

Ang outdoor tourist attractions sa NCR Plus, sa kabilang dako ay maaaring buksan ng hanggang 30% lamang na may mahigpit na pagsunod sa minimum public health standards.

Pinapayagan din sa NCR Plus ang specialized markets ng Department of Tourism (DOT) kasunod ng minimum public health standards at implementasyon ng protocols at restrictions na itinakda ng DOT.

Ang religious gatherings at gatherings para sa necrological services, lamay, internment at libing maliban sa mga nasawi sa COVID-19 sa NCR Plus ay papayagan ng hanggang 10% ang venue capacity.

Gayundin, patuloy na pinapayagan sa GCQ areas na may heightened restrictions ang non-contact sports sa outdoor contact sports, games, scrimmages; at personal care services na aprubado para sa serbisyo na hindi nire-require ang mask removal, gaya ng salons, parlors, beauty clinics, na may hanggang 30% capacity.

Ang mga indibiduwal na may edad 18-65 ay maaari nang lumabas ng kanilang bahay sa GCQ areas na may heightened restrictions.
Samantala, ang mga entertainment venues, gaya ng bars, concert halls, theaters, at iba pa; recreational venues, gaya ng internet cafes, billiards halls, arcades, at iba pa; amusement parks, fairs, playgrounds, kiddie rides; indoor sports courts at venues at indoor tourist attractions; venues para sa meetings, conferences, exhibitions ay hindi naman papayagan sa ilalim ng “GCQ areas with heightened restrictions.”

Ang Interzonal travel mula NCR Plus areas, maliban sa mga Authorized Persons Outside Residence (APORs), ay mananatiling ipinagbabawal sa GCQ areas na may hightened restrictions.

Suporta sa Coast Guard at BFAR sa WPS PNP-MARITIME GROUP IKAKASA NI ELEAZAR

17 hours ago jake

NAKAHANDANG pakilusin ng Philippine National Police ang kanilang PNP-Maritime Group upang suportahan ang Philippine Coast Guard at Bureau of Fisheries and Aquatic Resources sa kanilang maritime patrols sa West Philippine Sea.

Kinumpirma ni PNP Chief Police General Guillermo Lorenzo T. Eleazar na hinirang ng pamahalaan ang PNP upang tumulong sa maritime law enforcement patrols sa rehiyon na mayaman sa aquatic and marine resources.

“The PNP, specifically the Maritime Group, is ready to provide assistance and augment personnel from the PCG and BFAR in enforcing maritime laws on the West Philippine Sea and our Exclusive Economic Zone,” ani PGEN Eleazar.

“Despite our limitations when it comes to resources, we will make sure that it will not discourage and prevent us from asserting and fighting for what is ours,” dagdag pa nito.

Sinabi ni Gen. Eleazar na sila ay nakikipag-ugnayan sa National Task Force for the West Philippine Sea, PCG at BFAR kung ano ang magiging papel ng PNP Maritime Group bagamat aminado ang PNP na limitado lamang ang kanilang mga kagamitan.

“Malaki na po ang magagawa ng sama-sama nating presensya. Maganda po na mas maraming awtoridad ang nandoon para maipakita natin na nagkakaisa tayo at ipinaglalaban ang ating karapatan sa West Philippine Sea. (JESSE KABEL)

DOMINGO PUMIYOK SA RED TAPE SA FDA

17 hours ago jake

INAMIN ng mismong administrador ng Food and Drug Administration (FDA) na matagal nang matindi ang “red tape” sa ahensiya.

Ani Undersecretary Eric Domingo, nang italaga siyang administrador ng FDA noong 2019 ay nadiskubre niyang napakaraming aplikasyon ng pharmaceutical firms ang nakabinbin sa Center for Drug Regulation and Research (CDRR) ng ahensya.

Marami sa mga nagsumite ng aplikasyon ay noong 2014 pa nagpasa ng mga rekisito.

Ani Domingo, pinakilos na niya ang CDRR upang mabawasan ang mga aplikasyon ngunit, kamakailan ay nabunyag sa media na mahigit 600 pa ang nakabinbing aplikasyon dito.

Nagreklamo na ang mga kumpanyang ito sa Anti-Red Tape Authority (ARTA) kaya nagpasya ang huli na imbestigahan ang FDA, partikular ang CDRR. (NELSON S. BADILLA)

Globe Libreng Tawag, Charging at WiFi kasado na para sa mga apektado ni #Crising

17 hours ago jake

NAKAHANDA na ang Globe para tumulong sa mga residente ng Zamboanga Peninsula, Davao Oriental, Davao de Oro, Davao del Norte, Davao City, Davao del Sur, Cotabato at iba pang lugar kung saan inaasahang mararamdaman ang hagupit ni #Crising.

Naka-standby na rin ang mga Libreng Tawag, Charging at WiFi Services ng Globe na maaaring i-deploy anumang oras sa mga lugar na maaaring mawalan ng koryente dahil sa malakas na hangin at pag-ulan dala ni Crising.

Bahagi rin ng mas pinaigting na pagtugon at kahandaan sa mga kalamidad, nakaantabay na ang mga technical support personnel at maging mga kagamitan gaya ng mga generator para ipadala sa mga lugar kung saan malaki ang magiging epekto ni #Crising.

Bibigyan din ng libreng data ng Globe ang mga Globe at TM customer nito para magamit sa pag-access ng website ng National Disaster Risk Reduction and Management Council (NDRRMC) at malaman ang mga paghahanda at mga anunsiyo ng pamahalaan sa pananalasa ng mga bagyo.

Nanawagan din ang Globe sa lahat ng mga apektadong residente na makinig o kumuha lamang ng balita sa mga lehitimong news site at mga government concerned agency.

Pinaalalahanan din ng kompanya ang mga kababayan natin sa mga lugar na tatamaan ng masamang panahon na mag-imbak at maghanda ng sapat na pagkain, tubig, gamot, baterya para sa mga flashlight at radyo, kandila at i-charge agad ang kanilang mga mobile phone, tablet, laptop at iba pang mga gadget sakaling mawalan ng koryente.

Pinapayuhan din ng Globe na manatili muna sila sa loob ng kanilang mga bahay kung wala namang pangangailangan na sila ay lumikas sa mas ligtas na lugar. Gayunpaman, mas mainam na rin na maghanda sila ng mga damit, first-aid kit at iba pang mga kailangan sakaling sila ay ilikas mula sa kanilang mga tahanan.

Sa pinakahuling bulletin ng PAGASA, alas-11 ng umaga ngayong Biyernes, Low Pressure Area na si #Crising. Inaasahang tutuloy na ito sa Sulu Sea sa susunod na anim hanggang 12 oras.

Para sa karagdagang impormasyon, sundan ang GlobeICON on Facebook o bisitahin ang globe.com.ph para sa mga pinakabagong #StaySafePH advisory.

SINGAPORE NAUNGUSAN NA NG PH SA PAGBABAKUNA

May 13, 2021 jake

PINALAGAN ng Malakanyang ang paratang ng mga kritiko ng Duterte administration na kulelat ang Pilipinas pagdating sa dami ng mga nabigyan na ng COVID-19 vaccines.

Sinabi ni Presidential spokesperson Harry Roque, kung pagbabasehan ang datos ukol sa bilang ng mga nabakunahan ay pumapangalawa na aniya ang bansa sa ASEAN region.

Bukod dito, hindi naman nakikipag-unahan o nakikipagkumpetensya ang Pilipinas sa ibang mga bansa sa rehiyon subalit kailangan lamang aniya na sabihin ang totoong estado ng vaccination program para patunayan sa mga kritiko na mali ang kanilang mga paratang.

Sa kasalukuyan, inuuna aniyang pagtuunan ng pansin ng gobyerno ang pagkakamit ng herd immunity sa NCR Plus bubble hanggang sa umabot na ito sa buong bansa.

Pero kahit sa Metro Manila at mga karatig lalawigan lamang muna aniya magkaroon ng herd immunity ay napakalaking bagay na dahil alam naman ng lahat na ang bulto ng kaso ng COVID-19 ay nasa NCR Plus areas.

Sa ulat, pumangalawa na ang Pilipinas sa ASEAN region sa usapin ng dami ng mga nabakunahan laban sa COVID-19.
Dahil dito, naungusan pa ng Pilipinas ang Singapore.

Noong nakaraang linggo, nasa ikatlong pwesto lamang ang Pilipinas, kasunod ang Singapore, habang nangunguna ang Indonesia.

Batay sa datos na iprinisinta ni vaccine czar Secretary Carlito Galvez Jr., lumalabas na nasa mahigit 2,409,235 na ang bilang ng mga Pilipinong nabakunahan kontra COVID-19. (CHRISTIAN DALE)

PAGPAPAUWI SA MGA PINOY SA ISRAEL MAMADALIIN

May 13, 2021 jake

HANDA ang Pilipinas na madaliin ang emergency repatriation ng mga Filipino sa Israel sa gitna ng pinakamabigat na bakbakan sa pagitan ng Israeli forces at Palestinian militants.

Sinabi ni Presidential Spokesperson Harry Roque na ang Philippine Embassy sa Israel at Overseas Workers Welfare Administration (OWWA) ay eksperto sa pagtiyak ng kaligtasan ng mga Filipino sa gitna ng huling karahasan sa Gaza at Jerusalem.

“So, hinahanda na po ‘yung posibleng repatriation at binibigyan na po sila ng warning na kung pupuwede po ay mag-ingat dahil dito sa mga pag-iinit ng mga pangyayari diyan sa Israel at sa occupied territory,” ayon kay Sec. Roque.

Sinabi pa ni Sec. Roque na ang goyerno ng Pilipinas ay magsasagawa ng special mission para sunduin ang mga distressed Filipino “kung kinakailangan.”

“At ang gobyerno naman po natin, kung talagang kakailanganin, siyempre po susunduin po natin ang ating mga kababayan kung talagang kinakailangan at kung talagang gusto po nila,” aniya pa rin.

May kabuuang 29,473 Filipino ang kasalukuyang nagtatrabaho at nakatira sa Israel.

“No Filipino casualties have been reported amid the escalating exchange of air strikes and rocket fires between Israel and Palestinian militant group Hamas,” ayon sa Department of Foreign Affairs (DFA).

May mga namatay kabilang na ang mga kabataan kasunod ng matinding “aerial exchanges” sa pagitan ng Israeli Forces at Hamas na kumontrol sa Gaza Strip simula pa noong 2016.

Sa kabilang dako, lima naman ang namatay sa Israel, habang 35 ang namatay sa Gaza, ayon sa report ng Israeli newspaper Haarest.

Pinayuhan naman ng Philippine Embassy sa Tel Aviv ang Filipino community sa Israel na manatiling bigilante at ipagpaliban o tuluyang ikansela ang travel plans sa mga lugar na malapit sa border ng Gaza.

Sinabihan din sila ng embahada na iwasan ang Israeli security forces na nakatalaga sa “sensitive areas.”

Hinikayat din ang mga Filipino sa Israel na hanapin ang malapit na protected area kapag kinakailangan at gumawa ng extra precautions kapag sumakay sa public vehicles.

“In case of emergency, the embassy may be reached at +972.54.466.1188. Affected Filipinos may also contact the Israeli authorities at 100 (Police), 101 (Ambulance or Emergency Service), 102 (Fire), 104 (Home Front Command), 106/107/108 (Municipality Call Center),” ayon sa ulat. (CHRISTIAN DALE)

PDUTERTE NAKIISA SA PAGDIRIWANG NG EID’L FITR

May 13, 2021 jake

NAKIISA si Pangulong Rodrigo Roa Duterte sa mga kapatid na Muslim sa pagdiriwang ngayong araw ng Eid’l Fitr, ang kapistahan na hudyat ng katapusan ng Ramadan, isang banal na buwan ng pag-aayuno.

“In the name of Allah, the Most Gracious, the Most Merciful, I join our Muslim brothers and sisters in the solemn observance of Eid’l Fitr,” ang bahagi ng mensahe ni Pangulong Duterte.

Sa pagtatapos aniya ng isang banal na buwan ng pag-aayuno, hangad ng pangulo na ipagpatuloy ni Allah na panatilihin sa mga kapatid na Muslim ang kabutihang loob at pagkahabag sa iba.

Ang masayang okasyon na ito na pagdiriwang ng personal na pagsasakripisyo at pagkakaisa ay mas naiugnay at mahalaga sa ginagawang hakbang ng bansa para maigupo ang pandemiyang bitbit ng COVID-19.

“As you mark the end of a month-long journey of reflection, prayer and fasting, may Allah continue to instill in you the virtues of generosity and compassion for others. This joyous occasion celebrating personal sacrifice and unity is made more relevant as the country makes a significant step closer to beating the COVID-19 pandemic,” ayon sa Pangulo.

Mangyaring ang okasyong ito ani Pangulong Duterte ay magsilbing inspirasyon sa lahat na ipagpatuloy na itaguyod ang kapayapaan, pagkakaisa at mabuting-loob sa kapuwa Filipino.

“May this event also inspire us to continue promoting pecae, unity and goodwill among our fellow Filipinos,” ayon sa Chief Executive.

“Let us welcome a new hope that this Eid brings… for peace, healing and strength as we build a progressive and brighter future for our people,” ayon sa Punong Ehekutibo.

“I wish you a blessed and joyous cleberation! Eid Mubarak!” pagbati pa ng pangulo. (CHRISTIAN DALE)

GO NEGOSYO, 2 MILLION FOLLOWERS NA SA FACEBOOK

May 13, 2021May 13, 2021 jp admin

Opisyal nang naging #1 NGO page at fastest-growing NGO page sa bansa ang Go Negosyo. Kamakailan lamang ay nakamit ng Go Negosyo Facebook page ang two million followers, isang malaking milestone sa hangarin nitong ibsan ang kahirapan sa bansa sa pamamagitan ng pagnenegosyo.

Ang Go Negosyo ang mayroong pinakalamaking audience sa lahat ng Philippine NGO pages sa bansa, lamang ng kumulang isang milyon sa sumusunod dito, #2 Philippine Red Cross (1,167,673) at #3 World Health Organization Philippines (1,001,266).

Nakabilang din ito sa top 100 sa buong mundo, ang natatanging NGO na nakapasok galing sa bansa—nagpapatunay sa dedikasyon nitong maabot ang bawat Pilipino at tulungan silang makamit ang kanilang entrepreneurial dreams.

“As we reach this milestone, I want to show my utmost appreciation to our partners for their untiring support. Without them, none of this would be possible. More importantly, I would like to thank our two million followers for believing in our vision of an enterprising Philippines. We have been doing this for 15 years already. And we saw the opportunity to scale up,” saad ni Presidential Adviser for Entrepreneurship and Go Negosyo founder Joey Concepcion.

“Go Negosyo will continue to provide Filipinos access to mentorship, money, and market through its programs,” ani Concepcion.

Bilang selebrasyon at way of giving back sa mga followers nito, nagsimulang magbigay ang Go Negosyo ng Php5,000 dagdag puhunan sa sampong masweswerteng negosyante noong May 10 at magpapatuloy hanggang July 10, araw-araw — Php2 million pandagdag-puhunan sumatotal. Parte ito ng kanilang programang “Manalo at Mag-Negosyo” kung saan ini-engganyo ang mga negosyante na kumuha ng selfie kasama ang kanilang negosyo. Ang mga mananalo ay pipiliin sa Mentor Me Online (MMO) show nito, live tuwing Lunes hanggang Biyernes, 6PM.

Ang MMO ay isang mahalagang online pivot para sa Go Negosyo. Itinuloy nito ang events-based Mentor Me program at ginawang posible na patuloy na makapagbigay kaalaman ang Go Negosyo sa ating mga negosyante sa kabila ng pandemya at mga limitasyong ipinataw nito. Nais ni Concepcion na ipagpatuloy ang hangarin ng Go Negosyo na ibsan ang kahirapan sa bansa sa pagnenegosyo at ipagpapatuloy ito sa pamamagitan ng mga online programs at limitadong on-the-ground presence.

Kabilang din sa ibang programa nito ang Kapatid Mentor Micro Entrepreneurs Program (KMME) at Kapatid Agri Mentor Me Program (KAMMP). Sa pag-pivot na ito ng Go Negosyo at sa patuloy na mentorship nito online, lalo pang lumalago ang mga audience nito at maging ang partner entrepreneurs nitong nagkakaroon pa ng mas malawak na access sa ibat-ibang platform.

Ang MMO ay nakapag-produce na ng 600 episodes at nakapagtanghal ng 2,000 guests/entrepreneurs. Php12 million dagdag-puhunan na ang naibigay nito sa higit 1,500 winners at higit 300 online sellers na ang nabigyan nito ng libreng marketing platform para sa kanilang mga negosyo. Sa KMME, nakapag-produce na ito ng 8,823 mentee graduates, at dagdag pang 1,400 mentees sa pagtatapos ng taon. Sa mga programa naman ng KAMMP, higit 1,600 graduate mentees mula sa higit 1,200 associations at cooperatives na may higit 130,000 members sa buong bansa na ang nakinabang.

Higit pa sa pagnenegosyo, ang Go Negosyo din ay aktibo sa pagsusulong ng mga inisyatibo sa testing at kahalagahan ng pagpapabakuna laban sa COVID-19, kumikilos ito gamit ang framework of access, education, and execution at makikita ito sa kanilang programa gaya ng “A Dose of Hope” na sinigurado ang ating access sa mga bakuna, ang “Let’s GO Bakuna” campaign kung saan tinataguyod nito ang kahalagahan ng pagbabakuna, at ang nakaraang kasunduan nito kasama ang Zuellig Pharma Corp. na sinigurado ang facilitation at execution ng pagbabakuna.

“We know that our unemployment rate today is alarming. That’s why we have doubled our efforts in addressing the health issue so we can further open our economy and generate jobs in the process. With this, at this crucial stage, I call on the labor sector to join us in making our employees realize that we need everybody to be able to get through this pandemic. We need to convince our employees that we must take the vaccine so we would be able to save lives and livelihoods,” saad ni Concepcion.

Dagdag pa ni Concepcion, “Go Negosyo will continue to use its Facebook platform and the community that it has created to continuously empower and enable Filipino entrepreneurs.”

SUNTUKAN NG KAPITAN AT TRIKE DRIVER HULI SA CCTV

May 12, 2021 jake

NAHULI sa camera ang pagsusuntukan ng isang kapitan ng barangay at ng sinita nitong tricycle driver sa Sariaya, Quezon nitong Martes ng umaga.

Base sa kuha ng CCTV ng Barangay 6, Sariaya, nakitang nagsusuntukan ang dalawan

g lalaki kung saan nakilala ang isa na si Richard Pasumbal, 42-anyos ng Barangay Poblacion 6 habang ang kasuntukan nito ay si Bryan Baladad.

Nangyari ang insidente sa Kasadya Street, Brgy. Poblacion 6 hindi kalayuan sa bahay ni Baladad.

Makikita sa video na nilapitan ng kapitan ang nakaupo sa kanyang nakaparadang tricycle na si Baladad.

Nagtalo ang dalawa hanggang sa mauwi sa suntukan.

Sa report ng Sariaya police batay sa reklamo ni Pasumbal, sinisita niya si Baladad dahil sa pagpaparada ng tricycle nito sa kalye na ipinagbabawal sa kanilang barangay.

Nagmatigas daw si Baladad kaya sila nagkainitan.

Una raw siyang sinuntok ni Baladad at gumanti lamang siya para ipagtanggol ang sarili.

Pero sa kuha ng CCTV, makikita na kinadyot muna ng kapitan ang driver kaya sumugod ito.

Hanggang sa tumakbo ang driver na hinabol pa ng kapitan.

Nang hindi maabutan, pinagbalingan nito ang tricycle at kinuha ang susi at saka umalis.

Pero bumalik ang kapitan at binasag ang salamin ng tricycle at saka pinuntahan ang hindi kalayuang bahay ng driver.

Tila nagsisigaw ito at hinahamong lumabas ang driver at nagbunot pa ito ng baril.

Ayon kay Pasumbal, tinakot lamang niya si Baladad kaya siya nagbunot ng baril.

Nagsampa si Pasumbal ng kasong Oral Defamation and Direct Assault laban kay Baladad. Magsasampa naman ng pormal na reklamo sa DILG ang tricycle driver dahil sa pananakot ng kapitan at pagsira sa kanyang tricycle. (NILOU DEL CARMEN)